ازاي ممكن أساعد حد بحبه بيعاني من ألم نفسي؟
سؤال مهم بييجي على بال كتير مننا ومش دايما بيبقا متأكد من الإجابة.
علشان كده هنشارك معاكم مجموعة من أهم أساسيات تقديم الدعم النفسي في الثريد اللي جاي.
#AlmashfaHospital #MentalHealth #مستشفى_المشفى #الصحة_النفسية

أول حاجة أقدر أقدمها لشخص بيمر بمعاناة نفسية هي إني أقبل إنه بيمر بالألم ده وإن ده حقه الإنساني وما أحكمش على مشاعره بإنه بيبالغ أو مكبر المواضيع لأن الألم النفسي بيؤثر على كيميا المخ المسؤولة عن إدراك الشخص للأمور.
#AlmashfaHospital #MentalHealth #مستشفى_المشفى #الصحة_النفسية

حاجة تانية مهمة إني ما أقترحش اقتراحات قد تشعره بالذنب أو العجز أكتر.. زي إنه يركز أكتر في الدراسة أو الشغل وده أصلًا صعب عليه.. أو إنه يصلي أكتر وإن اللي هو فيه ده نتيجة لتقصير لأن ده هيزود شعوره بالذنب والألم.
#AlmashfaHospital #MentalHealth #مستشفى_المشفى #الصحة_النفسية

من الحاجات المهمة وأنا بقدم الدعم النفسي لحد إني أسأل بشكل مباشر هو محتاج ايه؟ وأوضح إني هعمل اللي أقدر أعمله، سواء كان دعم معنوي بإني أسمعه وأقبله وأكون جنبه أو حتى دعم مادي عن طريق مساعدة بعينها في أحد أوجه الحياة.
#AlmashfaHospital #MentalHealth #مستشفى_المشفى #الصحة_النفسية

وطبعًا من أهم أشكال الدعم لشخص بيمر بمعاناة نفسية أو اضطراب نفسي إني أشجعه ياخد خطوة طلب العلاج وأطمنه وأؤكدله إن ده حقه وأكون جنبه وهو بياخد الخطوات وماشي في السكة العلاجية.
#AlmashfaHospital #MentalHealth #مستشفى_المشفى #الصحة_النفسية