ستوري تايم: أنا بعد ما خلصت igcse سافرت نيوزيلاند عشان بابايا كان عايش هناك وأنا كنت عايزة أدخل جامعة هناك، المهم رُحت في شهر ٩ والدراسة بتبدأ في شهر ٣ (الsouthern hemisphere بقا والجنان بتاع الصيف والشتا المقلوب).

بابايا كان بيرجع متأخر كل يوم من الشغل وأنا في بلد معرفش فيها مخلوق، وأنا شخصيتي بفرُك كتير وsocial butterfly بشكل عام، ونيوزيلاند بلد too perfect وأنا لسة جاية من مصر اللي هى قمة العشوائية، فجالي إكتئاب أول ما رُحت من الوحدة كدة. قلت والله لأنزل أشتغل بدل مانا بكلم نفسي

قدمت على كللللل الشُغلانات اللي جت في وشي، وعملت cv ونزلت وزعته في كل الconvenience stores والمطاعم. ولاااا أي حد كلمني ولا عبرني. كنت مكتئبة أوي أوي بجد وبعد شهر بظبط من لما رُحت كلمت ماما أشتكيلها وقعدت أعيَّط في التليفون إني عايزة أرجع مصر وأبقى أروح نيوزيلاند عل دراسة على طول

تاني يوم لقيت burger king بيكلموني عايزيني أشتغل عندهم ١٤ ساعة في الإسبوع على ٣ أيام. إتبسط أوي بس كنت لسة نفسي أي حاجة تشغل وقتي، إيه ١٤ ساعة في الإسبوع دة؟ ال٢٦ ساعة الباقيين حقضيهم دبدبة في الأرض؟ أنا زههجانة ووحيدة وhomesick ومراهقة بشكل عام، فعلى رأي رامي صبري: حياتي مش تمام

في نفس اليوم سيدي القارئ العزيز، والله في نفس اليوم، سوپرماركت كبير كدة زي كارفور كلموني أشتغل عندهم ١٨ ساعة . كدة إسبوعي إتملا بشغل ٣٢ ساعة وإشتريت عجلة وبقيت بروح بقا الشغل كل يوم وساعات يبقى عندي شيفت هنا وبعدين شيفت هناك وحاجة في منتهى الجمدان .

ححكي على burger king الأول. أول يوم رُحت، إدوني uniform ألبسه و cap وقالولي ماينفعش أحُط manicure ولا مطولة ظوافري. الposition كان كاشيير، مش بدخل المطبخ خالص، باخد orders بس. المهم أنا كنت بشتغل في فرع غي شارع كان فيه البرلمان النيوزيلاندي. كل الcustomers سياسيين وزحمة دايماً

شوية rules كدة:
- لازم كل ٣٠ دقيقة تغسل إيدك وتعلم إنك غسلتها في sheet مكتوب فيها كل اللي شغالين في الفرع
- لازم تبتسم وتعمل small talk مع الcustomers من باب الأدب لو واقف مستني أكله
- الهدف من الFAST food إن الكاستومر من أول ما يطلب أكله، لحد ما يستلمه، ما يعديش أكتر من ٣ دقايق

أول يوم وقفت عل كاشيير وقدامي queue ممتد إلى ما لا نهاية، حسيت رُكبي بتسيب. الشاشة بتبقى كلها مُربعات بأسامي الساندويتشات، أنا شايفة باقي الشغالين حافظين الساندويتشز وأماكنهم عل شاشة. وأنا باخد الorder في أكتر من ٣ دقايق أساساً اللي هو أنا بوظت الهدف من قبل ما نبتدي

ليه بتاخدي الorder في سنة يا فرفر ال؟
١) الaccent بتاعة النيوزيلانديين = لما تعلِم فلاح لسة قايم من ورا الجاموسة إنجليزي. قعدت بتاع إسبوع عشان أفهم بس بيقولوا إيه
٢) عمري في حياتي حتى يومنا هذا ما أكلت أي بورجر من برجر كينج فمش عارفة السندويتشات ولا مُحتواها ولا أماكنها عل شاشة

٣) الناس مش بتطلب براجر (جمع بورجر) بالسهولة دي، لاأاااااا. لازم شيلي البصل، وزودي الgerkins ومن غير كاتشب وكل واحد جاي يحقق أحلامه عندي. مرة جالي واحدة عايزة البرجر ملفوف في خص بدل العيش. كل دة بقا خطوات extra عل شاشة وأنا أصلاً واقفة مرعوبة.

فكنت بطشيييييئة شوية

المهم يا جماعة إني إشتغلت هناك ٥ شهور وفعلاً من أحلى الذكريات والexperiences في حياتي. معظم الcustomers و خاصة الregulars كانوا ناس جميلة ومهمة وحوارهم راقي كدة بحُكم شغلهم. وكنت خلاص حافظة الorders بتاعتهم من قبل مايقولوا. كُنا بتسمي الregulars بينا وبين بعض (الشغالين)

بعض الregulars اللي فاكراهم:

Hot chips guy: دة كان راجل بييجي يومياً وكان بيطلب إن الفرنش فرايز يبقوا من الbatch الجديدة وقبل ما نحُط عليها ملح.

Cheeseburger with no cheese guy: التشيزبرجر أرخص من البرجر السادة والراجل دة كان أذكى إخواته، فكان بيطلب تشيزبورجر من غير التشيز

تحولت بقا من فرفر السلحفاة البطيئة إلى فرفر القرد ليترالي من حيث السرعة والأداءوكنت شاطرة جداً في الشغل لدرجة إني كنت بمرَّن أي حد جديد جاي يشتغل وكنت السبب في إن الفرع بتاعنا يكسب مسابقة سنوية بتتعمل بين الفروع على مستوى البلد كلها

لا ووأنا بسيبهم بعد ال٥ شهور، قالولي ما تروحيش الجامعة وأقعدي وحنخليكي store manager يا فرحتك يامّا.

بابا بقا يا جماعة كان بييجي ساعات في نص الشيفت يقف بعيد ويقعد يصورني بالموبايل وأنا واقفة شغالة وساعات كان يبعتلي حد من أصحابه يطلب مني أكل وحركااات بقا

المهم في حكاوي ومواقف كتير، بس في موقفين مش بقدر أنساهم.
١) أنا كنت ١٧ سنة، ومرة كان في ٣ ولاد في سني كدة طالبين أكل وراحوا قعدوا. فساعات لو الدنيا رايقة كنا بنطلع ن-serve على طرابيزتهم، بس مش لازم، ممكن ننده الرقم وييجو ياخدوا أكلهم. في الآخر دة برجر كينج، مش الفور سيزونز هنا

بس الولاد كانوا أمامير، والدنيا كانت رايقة، قلت أما أروح بنفسي أطلع الأمل. سيدي القارئ، فرفوري المراهقة بقا عايزة تعمل نِمرة معلش حنعديهالها.
سيدي القارئ برضو، زميلي كان لسة ماسح السيراميك بتاع الlounge برة، وأنا طالعة بالصينية عليها البطاطس المقرمشة اللذيذة، أنظر ماذا حدث؟

بظبط كدة. خدت واحد شقلباظ إنما إيه. تخيل معايا المشهد: بنت في مقتبل العُمر، عايزة تعمل نِمرة، إتزحلقت هوباااا إسكلاوبااا قدام جميع الcustomers وخااااصة الولاد القمامير، ومش بس كدة، توء توء، وقعت الفتاة الفرفورية عل أرض ونزل عليها بطاطس مقرمشة لذيذة مثل الconfetti اللهم احفظنا

والله كانت حتة كسفة ماتكسفهاش القمر في ليالي الكسوف الكُلي النادرة فشخ دي. المهم يا جماعة قمت عادي جداً دخلت أعمل بطلطس تاني للشباب الذين رأوا عرشي يتلاشى من تحتي، ألاقيلك واحد منهم جاىعلى الكاسيير كدة يask me out والله مش بنسي عشان جبر بخاطري فشخ

الموقف التاني
٢) كان في construction workers بالهبل في فترة عشان كانوا بيبنوا حاجة في المنطقة، المهم يعني كان بيجيلنا regulars منهم كتير وكانوا بياكلوا كتير فشخ حبايبي. شغلهم متعب برضو. المهم كان في واحد فيهم إسمه andrew, راجل خمسيني جميل مبتسم، فورمة وعنده full sleeve tattoos

السيد أندرو كان جميل بس اللي هو شكله مِدي على واحد بيخلص شغل وبيروح يلعب في باند هو وأصحابة مزيكا hardcore metal كدة وتاتوز في كل حتة وبتاع. وفي أحد الأيام، البطاطس كانت عل نار فإضطر يقف شوية، فإضطريت أعمل small talk, من هنا لهنا، قاللي إنتِ منين، قلت مصر، قاللي are u muslim؟

(سؤال مش acceptable أوي في ثقافتهم وخاصة إن أنا في مكان شغلي، ماينفعش حد يسألني كدة)

المهم إتخضيت بس قلت أيوة، قام عادل وقفته كدة وقاللي “me too” وقام مسمع سورة الإخلاص كلها “كل هو اللاه أهد اللاهو السمد~”

سيدي القارئ، أنا كنت homesick ليڤل الوحش، رجل بلوند فورمة فشخ + تاتوز وcontrast شكله دة مع الحدث، مع فرفوري وهي واقفة تسمع قرآن من شخص راندوم في يوم راندوم في الsouthern hemisphere آلاف الأميال بعيد عن كل حاجة أعرفها -> ما عرفتش أمسك دموعي طبعاً. فرفوري ستظل فرفوري والله

جودنايت خلاص بسقط، أكملكم حكاوي بقية الشغلانات في وقتٍ آخر.
آخر حاجة: أول مرتب ليا جبت لنفسي ballerina جلد خضرا

جودنايت, وجودنايت خاصة للسيد أندرو الجميل اللي دخل على قلبي دفا والله في وقت كنت too homesick to function

The reactions to this thread is crazy. I get anxious when my notifications tab is too jammed like this, so I’m sorry I haven’t replied to anyone, but i’ve read every single mention, and you guys warmed my heart.

Here is my beloved green ballerina. I love it & I still wear it