Read on Twitter
يمكن العالم بس تقرا كلمة ابادة تقول شو بحبو يعيشوها، لي عم يصير اليوم هو حرفيا الشي لي صار بروندا بين التوتسي والهوتو!
تحت هيدا الثريد حنزل شويت مقتطفات من وثائقي للجزيرة "اعلام الكراهية" بس لازم تشيلو كلمة "توتسي" وحطوا هيدي البيئة وشوفوا كيف حيخلص الثريد https://twitter.com/assangejulian2/status/1359981597018238976
تحت هيدا الثريد حنزل شويت مقتطفات من وثائقي للجزيرة "اعلام الكراهية" بس لازم تشيلو كلمة "توتسي" وحطوا هيدي البيئة وشوفوا كيف حيخلص الثريد https://twitter.com/assangejulian2/status/1359981597018238976
هون بالظبط عم نحكي كيف انو ما في شي بريئ، أبسط جملة ممكن تمرق العالم تقول عننا حساسين اذا زعجتنا هي عم تغذي حقد او كراهية بمطرح تاني وهيدا بكون ضمن خطة ممنهجة مش بريئة أبدا!!
حنحكي بعدين عن دور الحكومة او السلطات، بس هون المهم هي كمية الشيطنة لي ممكن تنكب على فئة لتخلي بنهاية الأمر يصير في مطالبة من عالم عاديين عايشين معن بنفس البلد بإبادتن وهجمات كيماوية عليهن او حتى ترحيلن، وهالشي شفنها بشكل ملحوظ آخر كم يوم.
طبعا ما فينا نحكي عن هيك شي بلا ما نذكر الدور الخارجي لي بيتمثل بالإستعمار، وهو ترسيخ فكرة الآخر بالمجتمع من مبدأ فرق تسد ليبني فيما بعد عالعقلية الجديدة لي نتجت عن هيدي السياسة لأهداف وغايات بتخدم مصالحوا بشكل مباشر.
هون جوهر الموضوع، شو هو العنصر المختلف لي بدو ينلعب عتظهيروا وتسليط الضوء عليه ليكون الشرخ مرتكز عمبدأ، يمكن يكون العرق متل بروندا، اما بلبنان فممكن يكون الدين او حتى فكرة المقاومة وهيدا الشي بيختلف حسب تشخيص الحالة من جهة واتجاه الهجمات القادمة من جهة تانية.
هون ببين الخبث، كيف بالأول بتكون الإضاءة عمكامن ضعف فئة لتستفز فيه فكرة الدونية "إحباط سني، تمثيل مسيحي.." ومن بعدها بينربط هيدا الشي مباشرة بالفئة المستهدفة بالإضافة لبث فكرة الدخيل، بشتى الأنواع لي بينحكا فيها بلبنان ان من بعد سياسي "رجعوا علبنان" او ديني "روحوا عإيران".
وهيدا تماما لي حكينا عنو قبل، ان كان بإستذكار فكرة المتصرفية، او بالاتهام بالتبعية السياسية او الدينية للخارج، حتى بلبس الشادور، حتى بعدم نقل الاحتفال الغنائي لي صار ببعلبك عقناة المنار وفي مئات الأمثال...
جانب مهم من الموضوع هو استغلال الفن "ما بعرف إذا منقدر نسميه فن" متل عباس جعفر، شخصية بتول، فكرة الإنفوي تيع هشام حداد او ابو طلال، شخصية حسين شقلوب مدري شو اسمو، هيدي كلها شخصيات لعبت عتنميط فكرة الشيعي او مؤيد الحزب بطريقة كتير أبرزتوا انو متخلف جاهل ومتسلط...
في جانب آخر من الموضوع هو التحريض الديني، مثلا دعوة الراعي الحزب بأن يكون حزبا لبنانيا، ارسال رسالة للحزب عبر السفير الإيراني.. هالقصص كلها بترسخ فكرة انو الحزب دخيل بأذهان من يتأثرون بالراعي او بيعتبروا قدوى بالإضافة لتكرار وتطبيع هيدي النغمة بعقول باقي اللبنانيين.
هيدا الشي كتير ممكن يذكرنا بلوائح مقاطعة المؤسسات الاقتصادية لي انتشرت من كم يوم، على أمل الأيام الجايّ ما تحمللنا شي مفكر يطلع بوصايا عشرة ضد بيئة المقاومة 
هيدا الشي ببين من جهة أثر الشيطنة الممنهجة وبنفس الوقت ببين أدواتها، متل ما حكينا عن قصص لائحة المقاطعة كأداة، فينا نحكي عفكرة عدم بيع العقارات والبيوت كأثر لهيدي الشيطنة.
نفس خبرية حكومة حزب الله، وحزب الله حاطط إيدو عالمطار وعالمرفأ وعالمعامبر الشرعية وغير الشرعية، وما حيمشي الاقتصاد الا ليوقف التهريب عن الحدود ووو...
خلينا نعد ونحصي بآخر فترة، كم جريدة وموقع الكتروني صار في جديد، من نداء الوطن لأساس وغيرن، من وين تمويلن "الفندريسينج @SabeeAlBorombo :p” وشو أجنداتن، وعشو عم يركزوا.
ما حدى في ينكر العلاقة بين وسائل الاعلام كافة والسياسيين وكيف اللعبة بتصير، وأكتر شي منلاحط هالشي بشكل نافر بحملات تبيض الحاكم!
بالإضافة لفكرة مشترى الصحافيين والأبواق، لي بعلمك كان معك او مع الثورة هوب فجأة صار مع بهاء
بالإضافة لفكرة مشترى الصحافيين والأبواق، لي بعلمك كان معك او مع الثورة هوب فجأة صار مع بهاء
هيدي الحركات، او طرق الجذب كتير ممكن نشوفها عند بهاء، ان كان عبر الأسماء لي عم يستقطبها او حتى أفكار البرامج والمحتوى، بالإضافة لإنو نصّب حالو مدافع عن الثورة وضد كل هالطبقة او المنظومة السياسية.
وين سامعة هيك شي يا شهيرة وين؟ المهم أي تشابه مع الواقع هو صدفة السيناريو لي صار برواندا من نسج الخيال، انو تخيلوا الهوتو يقصفو طيارة الرئيس القريب منن ليتهمو العالم التوتسي وبهيك يزيد التحريض عليهن ما بتصير مش صايرة قبل يعني 
هون خلينا نرجع شوي للجد، كل الظروف لي صارت قبل فيها تشابه كتير كبير بين لي صار برواندا ولي عم يصير بلبنان، بس من نص هالفيديو وللي بعدوا بتصير كلها أحداث من نسج الخيال، بس لنتصور لو نحنا ما عنا مقاومة شو كان حيصير فينا ومن جماعة الداخل قبل الخارج.
"في حالة الطفلة الصغيرة، سفاري لم يقتل الطفلة، بل كان يقتل هوية هذه الطفلة"
ما قادرة اتخيل فكرة انو الMtv والفلاتفورم تبع بهاء الحريري، اذا ما في عنا مقاومة لا سمح الله وصار كل هالشي، يكون دورن غير دور هالراديو!!
الصراصير، نفس فكرة "غنم" لي بترمز بمجتمعنا للتبعية العمياء للراعي من جهة، وللإتكال الكامل عليه وعلى كلابوا بالنجاة، فكرة صبغ بيئة كاملة بالغنم لأنها قررت تاخد قرار براعي مصالحها أولا ولي هي غير مصالح باقي الجماعات، فعادي ننمط هالرأي الآخر بهالطريقة.
هيدي الليست بتكون الأبديتيت ليست للائحة مقاطعة المؤسسات لي انتشرت من كم يوم.
وهون عم نستعرض الطرق لي من حلالها كان الإعلام عم يدعي لإبادة جماعية...
هيدا هو إعلام الكراهية، وهيد نتيجتوا، بحدود المليون ضحية لإبادة جماعية بحق الجماعة العرقية التوتسي برواندا خلال ١٠٠ يوم!
وهيك بالنهاية، كتير ممكن انو الاعلامي لي حرّض واستفز وكان جزء من حملة ممنهجة للإبادة الجماعية، انو بنهاية المطاف ممكن يتحاكموا و حتى ينحبسو، بس بعد ما خسرنا مليون بشري!!
