Thread by @anbarasu_Boss, காற்றுத்திசைகளில் அலைக்கழிந்தபடி காலடி ஓரமாய்க் கடந்தது ஒரு வெற்றுத்தாள்.எதுவும் எழுத [...]

காற்றுத்திசைகளில்
அலைக்கழிந்தபடி
காலடி ஓரமாய்க் கடந்தது
ஒரு வெற்றுத்தாள்.

எதுவும்
எழுதப்பட்டிருக்காத தாள்.
இனியும் எழுதமுடியாத தாள்.

வெறுமைத்தாள்.
வெறுமைத்தாளா….?

ஆகா வெறுமை…
வெற்றிடமாய் இருப்பது…
எவ்வளவு அழகானது.

#Kavin | #Lift | @KavinFansClub | @ArmyKavin

எல்லா நிறைவுகளும்
நிறைவு பெறுகின்ற இடம்
வெறுமையல்லவா..!

குப்பைகூழங்களால்
நிறைந்து கிடக்கும்
இதயத்தை

வெறுமையாக்க
முயன்று முடியாமல்
தோற்றுக் குவிந்து
கிடக்கின்றன தோல்விகள்.

தூய்மையின்
முழுமை வெண்மை
என்கிறனர்.

வெற்றுத்தாள்
வெண்மையல்லவா..

#Kavin | #Lift | @KavinFansClub

நிறங்களை
ஏற்றுக் கொண்டாலேயே
வெற்றுத்தாள் நிறத்தாள்
ஆகிவிடுகின்றது.

தாள்களிலேயே
தூய்மையான தாள்
வெற்றுத்தாளா…?

எழுதப்பட்ட தாள்கள்
தூய்மை குறித்து
அதிகமாய்ப்
பேசியிருக்கின்றனவே…
வெறுந்தாள்களை விடவும்.

#Kavin | #Lift | @KavinFansClub | @ArmyKavin

அதிகமாகப்
பேசுபவனை விட,
அமைதியானவன்தான்
ஆழமாய் இருக்கின்றான்.

வரையப்பட்ட
வரிகளை
விடவும்,
மிக அதிகமான
தகவல்களைக்
கொண்டிருக்கின்றதோ
வெற்றுத்தாள்கள்.

#Kavin | #Lift | @KavinFansClub | @ArmyKavin

எதுவுமே இல்லை
என்பதில் தான்
எல்லாமும் இருக்கின்றன
என்கின்றது மெய்மை.

வெற்றுத்தாள்களுக்குள்
எல்லாமும் இருக்கிறதா..?

கபடமில்லாத
குழந்தையின் அழகு
அதன் வெள்ளை
உள்ளத்தின் வெளிப்பாடு
என்கிறதா..?

#Kavin | #Lift | @KavinFansClub | @ArmyKavin

எல்லாச் சாயங்களும்
வெளிறிப்போகையில்
வெளிப்படுகின்ற
வெண்மையே
மெய்மை என்கிறதா..?

தேடல்கள் யாவும்
முற்றுப் பெறுகின்ற
ஒற்றைப்புள்ளி
வெறுமை என்கின்றதா…?

சாயங்களில்
தோய்ந்து தேய்ந்து
மாய்ந்து போகாமல்
சுயமாய்
இருங்கள் என்கிறதா..?

#Kavin | #Lift | @KavinFansClub | @ArmyKavin

எதுவுமே இல்லாமல்
இருப்பதுதான்
முழுமை
என்கிறதா?

தப்புத் தப்பான
எழுததுகளுக்குக்
களமாக இருப்பதைவிட
கன்னியாக இருந்துவிடுவதே
சிறப்பு என்கிறதா?

பட்டியலிட்டால் விரிகிறதே….
வெற்றுத்தாளுக்குள்
ஒளிந்து கொண்டிருக்கும்
ஒளிக்கீற்றுகள்.

#Kavin | #Lift | @KavinFansClub | @ArmyKavin

உன்னை
வெறுமையாக்கிக்
கொண்டு வா..

உனக்கு
உன்னைக்
காட்டுகின்றேன்
என்றான்
ஒரு ஞானி.

வெறுமையான
புல்லாங்குழலாக இரு…

உனக்குள் இருந்து
இனிய
இசை பிறக்கும்
என்றான்
மற்றொருவன்.

#Kavin | #Lift | @KavinFansClub | @ArmyKavin

கட்டற்ற
வெறுமைக்குள்
தொலைந்து போ..

நீ சொர்க்கத்தில்
கண்டெடுக்கப்படுவாய்
என்றான்

எப்போதோ
காணாமற் போன
ஒரு சொர்க்கவாசி.

வெறுமைக்குப்
பொருள் தேடி
அலைந்தான் ஒருவன்.

#Kavin | #Lift | @KavinFansClub | @ArmyKavin

வெறிச்சோடிக் கிடந்த
தெருவோர மரத்தடியில்
படுத்திருந்த சாமியாரை
நோக்கி நீண்டன
சுட்டு விரல்கள்.

தட்டி எழுப்பி
தாடியைப்
பிடித்திழுத்துக்
கேட்டான்..

வெறுமைக்குப்
பொருள் என்ன?

வெறுமையாய்
ஒரு பொருள்
கொண்டு வா…

#Kavin | #Lift | @KavinFansClub | @ArmyKavin

இதோ குடம்...
வெறும் குடம்…
வெற்றுக்குடம்..

இல்லை..

இது நிறைகுடம்..
காற்றால் நிறைந்திருக்கும் குடம்…

வெற்றுப் பொருள்
கொண்டு வா..
இல்லை…

என்னால் முடியாது.
முடியும்…
நீயே வெற்றுப்
பொருளாகி விடு.

#Kavin | #Lift | @KavinFansClub | @ArmyKavin

வெறுமையின்
பூரணம்
வெறுமையாகதவரை
புரியாது.

வெறுமை.. வெண்மை…
வெற்றுத்தாள்..
உலகம் ஓதிக்கொண்டிருக்கும்

நிறைவுக்கான
அர்த்தங்கள்
உதிர்ந்து போகின்றன.

#Kavin | #Lift | @KavinFansClub | @ArmyKavin

வெற்றுப் பொட்டலில்
வீசும் காற்றால்
எதையும்
வீழ்த்த முடியாது.

வெற்றுத்தாளைப்
பார்க்கின்றேன்.

காற்றின்
தாளத்திற்கேற்ப
பாடிக்கொண்டே
பறக்கிறது.

#Kavin | #Lift | @KavinFansClub | @ArmyKavin

இனி மை கொண்டு
ஏதேனும்
வெற்றுத்தாள் மீது
எழுத முடியுமா?

அவ்வாறே
எழுதினாலும்
வெற்றுத்தாளின் ஆழம் கடந்து
எழுத முடியுமா?

இதுவரை இல்லாத
ஒரு தனி மதிப்பு
வெற்றுத்தாள்களின் மீது
ஏற்படுகின்றது.

#Kavin | #Lift | @KavinFansClub | @ArmyKavin

Latest Threads Unrolled: