Read on Twitter
على طاري #تجنيس_أبناء_الكويتيات خل اقول لكم عن الصعوبات الي تواجهني بالفترة الاخير
من سنين وانا افكر اهاجر عشان اطلع جواز اكثر ملاءمة للسفر بس كنت متردد لأن في هذا العمر وايد صعب إني اغير هويتي الثقافية واكون صداقات من جديد وابتدي حياة مهنية جديدة، عشان اهاجر طبيعي لازم اتعلم
من سنين وانا افكر اهاجر عشان اطلع جواز اكثر ملاءمة للسفر بس كنت متردد لأن في هذا العمر وايد صعب إني اغير هويتي الثقافية واكون صداقات من جديد وابتدي حياة مهنية جديدة، عشان اهاجر طبيعي لازم اتعلم
صج ان وايد في عرب هاجروا إلى دول الغرب بس أغلبهم هاجروا لاسباب خارجة عن ارادتهم مثل الحرب والفقر ورفع مستوى معيشة وتعليم عيالهم، وأغلبهم انتقلو إلى مجتمعات بخلفيات ثقافية مماثلة، الفلسطيني إلى منطقة وايد فيها فلسطينيين والمصري إلى منطقة وايد فيها مصريين، والخ
طبعاً ما في وايد جاليات كويتية متغربة ولاسباب واضحة ما تحتاج شرح، فترددي عن القرار كان لاسباب شخصيه، اخاف من التغيير، وعشان اكون واضح وياكم، فيها شوية كسل وعناد، مابي اغير حياتي، ليش اغير حياتي؟ الدنيا الي غلط مو انا.
ولكن في يوم من الأيام العشوائية اللي نعيشها، أمي حصلها حادث وكسر في الكتف اليمين وفجأة صارت المسالة اكثر من مجرد وناسة، فجأة اهم شخص في حياتي صار يحتاجني اروح المستشفى الجمعيه الأدوية غاز الطبخ معاش الخدامة وكل الاهتمامات المنزلية،،، أحتاج اهتم فيها مثل ما اهتمت فيني طول عمري
هني دريت إني وايد محظوظ والحمد لله تعافت من الكسر تماما. وبعد حوالي ٦ شهور من الحادثة وفي يوم عشوائي اخر زلقت الوالدة في الصباح الباكر وحصل لها كسر في الساق. هل مرة الموضوع كان أكثر خطورة وصارت تحتاج عملية جراحية. فجاء الحياة صارت وايد جدية.
واللي زاد الطين بله كنا تونا بادين نسمع عن انتشار فيروس جديد ونسمع عن الهوشات العنيفة في الجمعيات قبل الحظر الكلي.
باتت أمي اكثر من أسبوعين في المستشفى على ما سوو العملية، وبعدها تقريبا ٦ شهور ما تقدر تمشي ويبنا لها ممرضة تساعدها. وجزاهم الله خير المطافي وزارة الصحة وكل الخدمات المساعدات المنزلية اللي قدمتها الحكومة رائعة جدا وحتى لو كل مره ناقص دواء مني مناك والمسعفين كانو شوي مهملين.
منو فيكم يقدر يتخيل شنو كانت رح تكون حياة أمي لو كنت مهاجر؟ ربتني كل هل سنوات عشان تشوفني أطلع من الكويت عشان ادور جواز سفر؟ ومنو كان بيهتم بالبيت؟
يوم كنت صغير عرفت انه شروط حصولي على الجنسية الكويتية يا طلاق أمي وأبوي أو وفاة أبوي، تقدرون تتخيلون شنو وضع الطفل لما يسمع هذا كلام؟ ليش هذي قيمة ابوي عند الكويتيين؟
اليوم عمري قرب ال٣٣ سنة وبعد سنتين تقريبا ما راح اكون مؤهل للهجرة إلى كندا واستراليا. منو يقدر يقول لي ما هو القرار الصحيح أخلاقيا؟ اروح ولا اقعد؟ ما لي مكان بالكويت الا اكون موظف/خادم؟ ما يصير اقعد اشتغل اعمال حرة؟
والاهم، ما هو الشعور الصحيح تجاه اهلي وناسي (الشعب الكويتي)؟ خلال اول 30 سنة من حياتي شعرت إني جزء من المجتمع الكويتي وإني واحد منكم باختلاف جواز السفر فقط بس الحين كبرت ودريت ان المجتمع العام ما يشوفني جزء منه. كان الشعور خدعه.
ويبقا السوال؛ وين أروح ومنو بيهتم بأمي اذا رحت؟
ويبقا السوال؛ وين أروح ومنو بيهتم بأمي اذا رحت؟
نرجع لموضوع جواز السفر، انا جوازي ليبي، لا لا انا بدون متجنس ولا شاري جواز. انا صج ليبي، ولو الموضوع شوي غريب على بعض الكويتيين بس ابوي صج ليبي. ولا اخجل من اسلافي الليبية ولكن ولدت وربيت في الكويتي وهويتي وثقافتي وتربيتي كويتية على امي واهلها. للعلم اكلتي المفضلة البلاليط
الفترة الاخيرة الحياة في ليبيا في صارت صعبة جدا جدا، وصار ممنوع تجديد أو إصدار جوازات سفر برة وزارة الداخلية في طرابلس لاسباب أمنية ناتجة عن الحرب الاهلية. عشان اطلع جواز سفر جديد اضطريت اسافر الى طرابلس في ٢٠١٨ إثناء الحرب وانا لا اتكلم اللهجة والوضع كان جداً خطر.
على طلعتنا من الكويت تم قصف المطار في طرابلس وتعلقنا في مطار الاردن اسبوع انا واخوي، وبعدها تعلقنا بليبيا قرب الشهر مع واسطات ورشاوي على ما طلعنا جوازات. اليوم اختي جوازها منتهي واقامتها تتجدد سنوياً... ولو شنو ما اخليها تروح ليبيا على هل وضع
والقشة الي دغدغة اباط البعير؛ من ٢٠١١ ولا دولة بالعالم تقبل زيارة حاملين الجواز الليبي بدون فيزا، يعني اذا صار لاي سبب لازم اطلع من الكويت مثلاً اذا طفت اشارة حمراء وطلع علي حكم ابعاد... مالي أي مكان أروح له لان كل مطارات ليبيا مسكرة حتى من قبل حظر كورونا 
وين اروح؟
وين اروح؟
#تجنيس_أبناء_الكويتيات حق من حقوق الانسان وحقوق المرة وليس رفاهية اضافية كما يظنون بعض الحاسدون.
عموماً اذا وصلت لي هني شكراً لاهتمامك بالموضوع وهاك موزة
تصبيرة
عموماً اذا وصلت لي هني شكراً لاهتمامك بالموضوع وهاك موزة
تصبيرة
الله لا يورينا المراهقين شلون يبيعون الكلاشنكوف بالاسواق ويركبون دبابات قاتلة على الشوارع الرئيسية في منتصف الليل مثل ما شفت في طرابلس ليبيا في ٢٠١٨
وان مور ثنق... ابي افهمكم منو امي، ليس فقط اذكى انسانة عرفتها في حياتي، طبيبة كويتية ساعدت عدداً لا يحصى من العوايل الكويتية في الاستشارات الوراثية، بنت بيت في سلوى بروحها على راتب طبيبة بوزارة الصحة من ١٩٨٧ الى ١٩٩٤، ربت ٤ عيال بروحها وهي تدرس دكتوراه في نوتنقهام من ١٩٩٥-٢٠٠٠
علمت ٤ عيال بمدارس وجامعات خاصة على راتب حكومي
اشنب من الف رجل ما قدرو يسوون مثلها
اشنب من الف رجل ما قدرو يسوون مثلها
القانون الكويتي لا يسمح لاي "غير كويتي" البقاء في الكويت بدون وظيفة، والحد الاقصى لعمر الموظف الغير كويتي ٦٠ سنة. ولا يميز ابناء الكويتيات.
يمكن بعد ٢٧ سنة اوصل لذاك العمر، ومن هني لي هناك الخطة اني اجمع كثر ما اقدر عشان اشتري ارض او شقة اموت فيها برا الكويت.
يمكن بعد ٢٧ سنة اوصل لذاك العمر، ومن هني لي هناك الخطة اني اجمع كثر ما اقدر عشان اشتري ارض او شقة اموت فيها برا الكويت.
بس يبقا السوال وين اروح؟ اذا وصلت لي اهني عاد عطني اقتراحاتك، مع العلم ان الدول الي الحين فاتحين بيبانها لتملك الشقق والارضي للاجانب ممكن فجاء تقلب سياساتها يمينية مثل ما الحين قاعد يصير في تركيا وتروح علي السالفة، وحط ببالك ان الخطة يبيلها عشرات السنين حتى تنجح لاني ما عندي فلوس
وشكراً 
