Read on Twitter
علاقة الابتلاء بالسعي ..
---
شوف الـ Thread
---
شوف الـ Thread
الثريد ده هتكلم عن تجربه شخصية
- زمان كنت فاكر ان السعي و الاجتهاد معناه انك توصل لنتيجة كويسه ، افتكر كنت في ثانويه عامة و بعض زمايلي كانوا بيزاكروا اضعاف مزاكرتي لكن للاسف محققوش النتيجة اللي عايزينها ، وقتها ايقنت ان السعي و الاجتهاد مش معناه حتمية الوصول
- مشكلتنا كلنا اننا فاكرين السعادة في الوصول للنتيجة ، لكن ده مش صح ، فكرة ربط السعي بالوصول لنتيجة هي فكرة غلط ، بعد ما جبت مجموع عالي و فرحت بيه و دخلت هندسه و حققت النتيجة من السعي في ثانوية عامة ، اقسم بالله أسوء ٥ سنين مروا عليا كانت سنين الكلية لدرجة اني اتخرجت محطم نفسياً
- هتكتشف ان فرحتك بالوصول للنتيجة هي فرحة مؤقته ، هتقعد يومين فرحان و بعد كدا هتتعود عليها و مش هيكون لها طعم ، الانسان للأسف بيتعود على أي حاجة تحصله فمش هيكون لها طعم ، السعادة بتكون في الرحلة و الطريق نفسه ، افتكر ان ثانويه عامة احسن سنة مرت عليا نفسياً
- الرحلة هتعلمك حاجات كتير هتنفعك بعد كدا و هتضيف لك خبرات أهم مليون مرة من الوصول للنتيجة ، تخيل كدا ان هدفك انك توصل لقمة الجبل ، عشان تصعد للقمة هتعدي بطريق مليان تحديات صعبه ، التحديات دي هتعلمك حاجات كتير في حياتك فوايدها اهم من الوصول للقمة
- في حقيقة لازم تكون راسخة في بالك ، و هي ان الحياة خاضعة لقانون المحاولة ، و تعرف ان ٩٩٪ من الحاجات مش هتجيلك من اول مرة .. و ٨٠٪ من اللي عايزه مش هيجي من تاني مرة و ٥٠٪ من اللي عايزه مش هيجي بعد ٣ مرة .. كل ما تسعي اكتر كل ما فرصك كانت ازيد و ده مش معناه حتمية الوصول
- لو بصيت على الطبيعه حواليك هتلاقي مثلاً ان الأسد بينجح في ٢٥٪ من محاولات صيده ، معظم الأمطار بتسقط في المحيطات ، معظم بيوض الأسماك بيتم إلتهام و تدمير معظمها ، ملايين الحيوانات المنوية بتموت و بيصل واحد بس لتخصيب البويضة ، الطبيعة بتمشي بقانون المحاولة
- نرجع تاني لمثال صعود الجبل ، تخيل ان لا قدر الله مقدرتش توصل للقمة بسبب عقبه في الطريق مقدرتش تعديها ، لما تيجي تحاول مرة تانيه كل الطريق اللي قبل العقبه دي هيكون سهل عليك و الجديد ان هيكون عندك خبرة ازاي تتعامل مع العقبة دي و تلاقي حلول لها
- فإنك لو لا قدر الله موصلتش للي عايزه ، لما تيجي تحاول تاني سواء في نفس الطريق او في طريق تاني هتكون عندك خبرات هتفيدك و تسهل عليك الطريق اللي انت ماشي ، في اول مرة مشيت الطريق في ٥ ساعات ، تاني مرة هتمشيه في ٣ ساعات بس و هكذا
- لو بصيت على الطبيعه حواليك ، هتلاقي ان الغزالة بتصحى كل يوم و عارفه ان في اسد هيجري وراها عشان ياكلها فلازم تجري أسرع ، و الاسد عارف انه لازم يجري اسرع عشان هيموت من الجوع
- لو بصيت في البحر هتلاقي السمك الصغير عارف انه هيتاكل من الحيتان ، و ده خلاهم يتعلموا و يمشوا في مجموعات كبيرة ، لأن لو السمكة ماشيه لوحدها فرصتها انها تتاكل ١٠٠٪ لكن لو في مجموعه فرصتها انها تتاكل بتقل
- ايه علاقة السعي بالابتلاء بقا ؟
--
الحياة عبارة عن مجموعة من الطرق ، في طريق انت بتسعى فيه و في مليون طريق تاني حواليك ، الابتلاءات بتغير طريقك و تحطك في طريق تاني و تغير مسارك
--
الحياة عبارة عن مجموعة من الطرق ، في طريق انت بتسعى فيه و في مليون طريق تاني حواليك ، الابتلاءات بتغير طريقك و تحطك في طريق تاني و تغير مسارك
- يمكن لما ببص لحياتي زمان بكون ممتن لكل الابتلاءات اللي مريت بيها انها غيرت طريقي و علمتني حاجات جديدة فادتني و غيرت حياتي و تفكيري و عقليتي للافضل ، لكن وقتها بتكون باصص للابتلاء بصورة وحشة لانك باصص من نظرة ضيقه
- لو بصيت على اغلب قصص النجاح ، هتلاقي ان الناس دي اتعرضت لابتلاءات كتير غيرت طريقها ، كل قصص النجاح محصلتش بدون ابتلاءات و بدون سعي ، الابتلاء بيحول سعيك في طريق غلط لطريق تاني صح
- اكتر قصه بحبها هي قصه ليونيل ميسي ، ميسي كان لاعب في فريق مغمور في الارجنتين ، جاله مرض نقص هرمونات النمو ، ابتلاء كبير ، لكن الابتلاء ده مع السعي في انه يسوق نفسه و يعرض نفسه على برشلونه ، الابتلاء حوله من نادي مغمور لواحد من اكبر انديه العالم
- لو بصينا على قصه واخد انهى حياته بالانتحار زي [ فان جوخ ] كان مبتلى بالاضطرابات و المشاكل النفسيه اللي اثرت في فنه و مفيش لوحه اتباعت من لوحه ، لكن الابتلاء ده مع الوقت خلى فن فان جوخ و لوحه من اشهر و اغلى اللوحات في العالم
- لكن المشكلة اللي بتحصل مع اغلبنا لما بنتعرض لابتلاء ، هي انك تكون غير مرن ، انك مع كل ابتلاء بيغير طريقك متشوفش الا الطريق اللي انت عايزه و بالتالي مستحيل الابتلاء هيغير حياتك
- فلما تتعرض لابتلاء توقف سعي ، و ده اكبر غلط ممكن تعمله ، طول ما انت بتسعى هيتفتح لك طرق جديدة و طول ما تفكيرك مرن كل ما زادت فرصك لانك عندك قابليه انك تمشي في طرق اكتر
- الموضوع عامل زي العربيه ، السعي ده عبارة عن البنزين كل ما زاد البنزين زادت المسافه اللي هتمشيها ، و كل ما زادت مرونه العربيه زود الطرق اللي هتمشي فيها ، بدل ما كانت هتمشي على الاسفلت بس ، تقدر تمشي في مدقات او في طرق جبليه او في التلح و هكذا
دينياً :
---
١- السعي لا يعني حتمية الوصل : قصة سيدنا نوح فضل يدعو قومه ٩٥٠ سنة ، متخيل الرقم ؟ و مع ذلك مفيش حد امن معاه من قومه الا القليل ، فضل يسعى ٩٥٠ سنة بدون اي نتيجة
---
١- السعي لا يعني حتمية الوصل : قصة سيدنا نوح فضل يدعو قومه ٩٥٠ سنة ، متخيل الرقم ؟ و مع ذلك مفيش حد امن معاه من قومه الا القليل ، فضل يسعى ٩٥٠ سنة بدون اي نتيجة
٢- السعي بيفتحلك طرق جديدة : قصة السيدة هاجر ، لما سابت سيدنا اسماعيل و فضلت تسعى من الصفا للمروة ٧ مرات بحثاً عن الماء ، و في الاخر ظهر البير جنب سيدنا اسماعيل في مكان مجاش على بالها و مش في طريقها اللي سعت فيه
٣- الابتلاء بيغير الطريق : قصه سيدنا يوسف لما اخواته رموه في البير و بعدين دخل السجن و فسر الرؤيا ، كان الابتلاء ده سبب في تحول مساره لـ عزيز مصر
- المهم انك تسعى متوقفش ، بلاش تربط السعي بنتيجة محددة ، ربنا بيقولك [ وَأَنْ لَيْسَ لِلْإِنْسَانِ إِلَّا مَا سَعَى ] يعني كل واحد له عمله و سعيه و اجتهاده و هيحصله سواء في الدنيا او في الاخرة
- و في الاخرة ، ربنا هيحاسبنا على السعي مش على النتيجة ، ربنا هيحاسبك على اجتهادك و الطريق اللي مشيته و افعالك اللي عملتها و نواياك مش عن النتيجة ، اللي بتتحاسب عليه هو سعيك في اتباع طريق الحق
- اخيراً :
--
متحكمش على حياتك من مشهد واحد من و توقف حياتك عليه ، اسعى و اعمل اللي عليك عشان لما تبص علي مشاهد حياتك كلها هتعرف ان المشاهد السيئة كانت سبب في التغيير لمسار افضل .. العاصفة مش بيكون سببها الدمار لكن سببها تغيير مسارك
--
متحكمش على حياتك من مشهد واحد من و توقف حياتك عليه ، اسعى و اعمل اللي عليك عشان لما تبص علي مشاهد حياتك كلها هتعرف ان المشاهد السيئة كانت سبب في التغيير لمسار افضل .. العاصفة مش بيكون سببها الدمار لكن سببها تغيير مسارك
- و صدقني مستحيل تعرف تحكم علي المسار ده الا بعد نهايته .. فمتحكمش علي الابتلاء انه شر في بداية المسار لانك لسه في البداية ، اسعى في كل الطرق و خليك مرن ، و اعرف ان الحياة عبارة عن طرق الابتلاء بيغير مسارك فيها
