Read on Twitter
تعالوا اشرح لكو ليه باختصار، فيه 3 مستويات المعماري بيشتغل عليهم عشان يحقق الthermal comfort داخل المبنى https://twitter.com/M_o_n_3_m/status/1352365284825436160
أول مستوى هو الpassive design وده بيحصل في المراحل الأولية للتصميم، تشكيل كتلة المبنى نفسها والfaçade orientation أو توجيه الواجهات (شرق/غرب/شمال/جنوب) بيأثر كتير على الضوء ودرجات الحرارة داخل المبنى حسب حركة الشمس
ده كان بيتعمل زمان مانيوال، لكن دلوقتي برامج الBuilding Information Modeling مجرد ما تحط المبنى في إحداثياته الحقيقية تقدر تعمل simulation لحركة الشمس بالنسبة للمبنى في أي يوم من السنة فتعرف إيه الواجهة اللي محتاجة مساحات زجاج كتير أو العكس حسب المشروع في دولة حارة ولا باردة
في البلاد الحارة بتقلل نسبة الزجاج في الواجهات المعرضة للشمس ساعات طويلة، وفي البلاد الباردة العكس، وفي بلاد كتير كود البناء بيحدد النسبة المسموحة من الزجاج في اتجاهات معينة من الواجهات
تاني مستوى هو العزل insulation وهنا فيه معامل مهم جدا هو الthermal transmittance ratio واختصارا U-value وبرضه له حد أقصى في أكواد البناء حسب كل بلد ومنطقة، المعامل ده بيمثل نسبة انتقال الحرارة عبر الbuilding envelope، وكل ما قل كل ما خلاك معزول عن الحر/البرد الخارجي
ال U-value بيحدده تصميم طبقات الحوائط والأسقف، المعماري بيصمم قطاع الحائط من طبقات مواد مختلفة لكل مادة مقاومة حرارية معينة وسُمك معين، ومن الcomposition ده بيتحسب الU-value، أحيانا بنحط طبقتين طوب بينهم طبقة فوم مثلا، أنواع المواد دلوقتي بقت لا نهائية
وهنا بييجي التحدي الكبير، عشان تحقق U-value مقبولة هتلاقي سُمك الحائط بقى كبير، مفيش كلاينت مثلا هيقبل بحوائط سمكها 50سم، في أحد المشاريع قعدنا أكتر من 3 شهور ندور على الطبقات اللي تحقق الU-value حسب الكود وتحقق السُمك المقبول من الكلاينت حسب المواد المتوفرة في السوق
بعد كده تيجي كفاءة إغلاق الفتحات weather seal، لازم نختار سيستم للشبابيك والأبواب يكون فيه إغلاق تام مايسمحش بتسرب الهواء في الفراغ ما بين الشباك والحيطة، وده اللي بيخلي شبابيك الألومنيوم بالذات "تصفر" مع الهوا، بتبقى محتاجة إغلاق جيد بالكاوتش
المستوى الأخير بقى هو الmechanical solution أو التكييف، في معظم الأحيان في البلاد اللي فيها حر/برد متطرف التكييف بيكون ضرورة، بس لازم قبل ما نفكر فيه نكون عملنا our homework في المستويات اللي سبق شرحها عشان بدل ما الغرفة تحتاج تكييف 4 حصان مثلا تحتاج 2.5
ليه بقى بيوتنا أبرد من بره في الشتا وأسخن من بره في الصيف؟ ببساطة لأسباب تصميمية:
- توجيه المبنى مش مدروس
- تركيب الشبابيك غير محكم أو السيستم نفسه مفهوش weather sealant
- سمك الحوائط الخارجية قليل (وده بيفسر ليه البيوت القديمة مختلفة) أو الحوائط غير معزولة ضد الحرارة بدرجة كافية
- توجيه المبنى مش مدروس
- تركيب الشبابيك غير محكم أو السيستم نفسه مفهوش weather sealant
- سمك الحوائط الخارجية قليل (وده بيفسر ليه البيوت القديمة مختلفة) أو الحوائط غير معزولة ضد الحرارة بدرجة كافية
