Read on Twitter
ثريد
---
١- مشكلة كبيرة بنعاني منها كلنا و هي تحكم مزاجنا فينا ، وقت ما يكون مزاجنا وحش مبنقدرش نعمل حاجة و نضيع حاجات مهمة كتير لازم نعملها بسبب المزاج
---
١- مشكلة كبيرة بنعاني منها كلنا و هي تحكم مزاجنا فينا ، وقت ما يكون مزاجنا وحش مبنقدرش نعمل حاجة و نضيع حاجات مهمة كتير لازم نعملها بسبب المزاج
٢- بالنسبالي الموضوع علاجه حل واحد ، هو الايمان و اليقين و الاقتناع بإن الحياة صعبه و معقده و احنا مش مخلوقين و موجودين في الدنيا عشان نكون سعداء و انها دار شقاء لازم تتعب فيها ، و انك انسان ضعيف ملكش يد في اغلب اللي بيحصلك و اللي انت فيه
٣- علاج الموضوع هو علاج منطقي ، انك تحط في دماغك انك مش طول الوقت هتكون سعيد دي حقيقة ثابته ، و بالتالي فكرة ربط السعادة بالانتاجية هي فكرة مش عملية و هتضيع عليك الكتير و الكتير ، مش هبالغ لو قولت ان ١٠٪ من حياتك هتعيشهم بس في سعادة و الباقي هتكون متقلبة
٤- عشان نكون واقعيين لو عشت طول حياتك بتدور على السعادة الدايمة في الحياة ، فـ هتعيش طول عمرك تعبان و نفسيتك وحشة ، و مش هتوصلها في الاخر ، الانسان بطبيعته متقلب المزاج و مجرد رد فعل للظروف اللي حواليه انت ملكش يد في اللي بيحصلك
٥- عشان كدا اهم حاجة لازم تعملها هي انك تتعود تفصل بين مزاجك و اللي حياتك ، و خلي بالك من كلمة تتعود ، لانه عادة بتيجي بالتدريب و الممارسة و الاجتهاد ، ان ده يكون جزء من شخصيتك لانك أغلب الوقت مزاجك هيكون وحش و دي حقيقة لازم تحطها قدام عينك طول الوقت
٦- اهم خطوة عشان تفصل بين مزاجك و حياتك ، هي انك تحدد اولوياتك و تعرف كويس انت عايز ايه كويس و ايه اللي هتعمله ، انك تحط خطوط عريضة في حياتك متتأثرش بأي حاجة تحصل لك في يومك ، خطوطك العريضة دي بتختلف حسب الهدف اللي عايز توصل له
٧- مثلاً : الهدف بتاعك انك تنجح بتقدير كويس ، بالتالي لازم تزاكر ، بس طول اليوم مليش مزاج ازاكر فهضيع الهدف اللي عايزه ، بداية الحل انك تعرف انك لازم تزاكر ، ده الطريق عشان اوصل للي عايزه و مفيش طريق غيره مهما حاولت تلاقي
٨- خلاص عرفت اللي لازم تعمله ، تاني خطوة هي انك تنظم يومك و وقتك و تستعد كويس للمزاكرة ، زي مثلاً انك تعمل جدول للمواد اللي هتزاكرها ، تظبط المكتب بتاعك و ترتبه لو انت شخص منطم و هكذا
٩- تالت خطوة انك تبعد اي حاجة ممكن تشتتك بعيد عنك ، طبعا اهم حاجة تبعدها عنك وقت المزاكرة هو الموبايل ، ابعده بمعنى انك تخفيه من قدامك خالص ، تروح تحطه في اوضه تانيه او تديه لمامتك مثلاً ، لانه طول ما هو قدامك هيغيرك تمسكه
١٠- رابع و أهم خطوة هي انك تحدد وقت معين تزاكر فيه كـ روتين يومي ، زي ما اتعودتي على الـ skin care و اتعودت على السيجارة بعد الاكل هتتعود و هيكون روتين في حياتك انك تزاكر في الوقت ده ، مثلا من ٨ لـ ١٠ ده وقت هزاكر فيه
١١- طبعا طبعا هتلاقي صعوبه شديدة في اول الايام و هتلاقي مزاجك وحش ، بس تعالى على نفسك كام يوم كدا و في ابحاث و دراسات اثبتت ان اول ٤ ايام هي اصعب ايام في اكتساب عادة جديدة
١٢- الاهم من كل ده هو الاستمرارية مهما تغير مزاجك و ده هيحصل ازاي ؟
---
انت محدد من ٨ لـ ١٠ وقت المزاكرة ، في ايام هتكون مبسوط فيها و هتزاكرمثلا ٢٠ صفحة فيهم ، و في ايام هتلاقي مزاجك وحش المهم لما يكون مزاجك وحش انك تلتزم من ٨ لـ ١٠ في المزاكرة حتى لو مخلصتش الا صفحة واحدة
---
انت محدد من ٨ لـ ١٠ وقت المزاكرة ، في ايام هتكون مبسوط فيها و هتزاكرمثلا ٢٠ صفحة فيهم ، و في ايام هتلاقي مزاجك وحش المهم لما يكون مزاجك وحش انك تلتزم من ٨ لـ ١٠ في المزاكرة حتى لو مخلصتش الا صفحة واحدة
١٣- دي اهم حاجة عشان تتعود على الروتين ده ، هي الممارسة ، و مع الوقت هتزيد مثلا في اول يوم مزاجك وحش فيه خلصت صفحة مزاكرة ، بعد شهر من الممارسة هتخلص مثلا ٤ صفحات و انت مزاجك وحش ، مش مهم الانتاجية قد ما مهم التعود على الروتين ده
١٤- حاول تدور على حاجات تفرز فيها هرمون الاندروفين عشان تسعدك او تقلل من توترك ، زي الرياضة مثلاً ، لو لقيت مزاجك وحش ممكن تنزل تتمشى ساعه و هتحسن مزاجك شوية
١٥- محتاج بين كل فترة و التانية تاخد break من اللي بتعمله عشان متزهقش و تمل و بالتاالي هتفقد الشغف في اللي بتعمله ، محتاج تفصل كل فترة زي مثلاً تسافر يومين ، تلعب ...
١٦- عن تجربة شخصية في خطوة ممكن تساعدك في البداية و هي انك تفصل نفسك و تنعزل و تقفل سوشيال ميديا و تركز في الحاجة اللي عايز تعملها لحد ما تبدأ تتقنها
اخيراً : انت ملكش يد او تحكم في مزاجك و اللي بيحصلك في حياتك ، الحاجة الوحيدة اللي لك تحكم و سيطرة انك تعرف اهمية الخطوط العريضة و انها هتأثر على حياتك و انك تتحرك مفيش حاجة هتيجي لك و انت قاعد في مكانك
