Read on Twitter
جيلنا حزين رغم كل متاع الحياة الفشيخة اللى فى وقته...يعنى بجد بندوس زرار عالموبايل بيجيلنا بيتزا سخنة فى الشتا...مش من بعيد كانت دى ممكن تعتبر معجزة نبوية
بتدوس زرار بيجيلك عبيد يوصولك اكل ومنتجات وعصاير وبتكلم بنات على بعد مئات الاميال وبتسمع مزيكا ومفيش حيوانات برية هتاكلك في نص اليوم ومفيش حرب جنب بيتك
مش مضطر تدبح قرابين ولا تثبت نفسك لاله ولا تتصارع في حلبة رومانية مش مضطر تمشى على رجلك تهاجر الاف الاميال مش بتتخطف من قبيلة مجاورة ويقطعوا ودنك مثلاً عشان يعلموك وسط باقى العبيد
بتستحمى بمزاجك وفى مية..كان زمان النسوان بيمشوا بجمل ٥٠ كيلو لواحة قريبة يملوا زير ضخم و يشيلوه يرجعوا بيه
مش مضطرة تتجوزى راجل كبير فى السن من قبيلة معادية لاحلال السلام
مش مضطرة تتجوزى راجل كبير فى السن من قبيلة معادية لاحلال السلام
يا جدعان من ٨٠ سنة كان فى احتلال انجليزى اصلا..احنا محظوظين ان مشاكلنا عبارة عن يا ترى هنلاقى the one اونلاين ولا لأ
يعنى بجد انت قاعد مبضون من العالم فى البيت ازاى الانسان وصل للدرجة دى من الهشاشة النفسية؟
وياريتنا سافرنا العالم كله ولقيناه مكان ظالم انت معظم فكرتك عن العالم من جوجل وقاعد تشرب سجاير وتقول العالم مكان قبيح وكئيب..والحقيقة اننا محتاجين نغير الأوضة باين
انا شبه متأكد ان النت لو قطع وقت كافى ناس كتير هتنتحر من كتر اعتماد صورتهم عن العالم عليه اللى هو احاااا اتكلم فى ايه؟؟!!! شخصيتى ايه!!! حد يدينى موضوعععع اتكلم فيه..معنديش فردييةةة
عبد الحليم حافظ مثلاً مش من بعيد فى ثقافتنا ميت بالبلهارسيا قعد يعانى ويكح دم وفقدنا قيمة غنائية واسطورة وفى بنات انتحروا لما مات وعيطوا.
علاج البلهارسيا النهاردة حبايتين.
علاج البلهارسيا النهاردة حبايتين.
متوسط الاعمار زاد فوق ما انا عايز اعيش اصلاً ما طبيعى نكتئب..الانسان بيوصل خمسين بيبقى لايك: الحمدلله كفاية فرك كدة نرتاح بقى...العلم بيخليك عايش لحد ٩٠ مثلا لحد ما تبقى عامل زى المانيكان ومتخشب ومتوصل باجهزة ومعندكش وعى بس الاسم عايش وعمال تريل واهلك مش عايزين يشدوا الفيشة
ياعم سيبوا يموت ؟...لا..الحياة! الحياة! الحياة اغلى شئ! ياعم اتنيل انت وثقافتك بس اللى مكبرين الموضوع لحد ما بقى يزهق...سيبنا نموت طب عشان نقدر الحياة. تمجيد بقى العيشة وانك لازم توصل لاهداف فيها ولازم طموح..ما طبعا كل ما هترفع السقف هتكتئب
كل ما تعرف انها قصيرة كل ما هتتبسط...لكن كل ما بنقترب من الراحة التامة والخلود كل ما بنزهق..طبيعى ما انت بتقفل اللعبة. والاسوأ انك مش مدرك انك خلاص كسبت اصلاً يعنى بمجرد انك كلت وشربت ونمت واختلطت بالناس ده ٩٠% من هرم احتياجاتك
العشرة فى المية اللى فاشخينك هما قمة الهرم بتوع انا عايز اعمل إنجازات واحقق ذاتى وابقى مشهور وموهوب
مرة سمعت بودكاست فشيخة بتتكلم ان الامل اسوأ كلمة اخترعها الإنسان و بقى فى سمعة وحشة لجملة losing hope..لان الناس بتفهم فقدان الامل انه احباط..الحقيقة ان الامل هو اللى متعب للغاية ومش حقيقى هو مجرد فكرة حلوة
وبيخليك مش عايش فى الواقع بيخليك عايش ادام فى عالم خيالى لما مبتشوفوش بتكتئب...وبالتالى فقدان الامل مش حاجة وحشة. وكان الاستنتاج ان حط هدف بس خليك متوازن معاه والله حصل يبقى حلو محصلش انت لسه نفس الشخص مش اقل..وفاكس بقى كلمة الامل دى
فى ناس بتتخانق عشان مش مهتم بيا ومبيردش علطول مع انه اونلاين..كان زمان المفروض يطلع فوق شجرة وينطلك من البلكونة ويطعن واحد من الحراس وبعدين يهرب وتمر شهور وببعتلك جواب يوصل بعد سنتين مع احد التجار وكل يوم تنزلى تشوفى وصل رسالة مع القافلة من اي حد باسم سيمب بن زيد ولا لسه؟
للاسف الحاجات المهمة إنتهت..يعنى خلاص مفيش حاجة مهمة..العالم فيه اكل اكتر من احتياجنا وادوية كتير..احنا لا نقهر على حد علمنا..الشغلانات معظمها مش مهمة خلاص ومن ورا الشاشات..استمتع برفاهية الوجود خلاص ومتاخدوش بجدية.
يعنى كوفيد بيكارك معانا بس هنكسب عادى وهنكسب اللى بعده واللى بعده الا لو قامت قيامة ما لكن فى سياق المنطق..الانسان كنوع فى حتة كويسة هو بس عدو نفسه وكئيب ورخم وبيحب وهم الارادة الحرة اللي اتعلمها من ناس فكرت في الموضوع قبله
"انا مش عارف انا بعمل ايه فى حياتى"
بتسأل..عمال تسأل...بس. ده اللى بتعمله. ٨٠ فى المية تفكير واسئلة وعشرين فى المية عيشة
بتسأل..عمال تسأل...بس. ده اللى بتعمله. ٨٠ فى المية تفكير واسئلة وعشرين فى المية عيشة
اسف عالرغى بس انا مبهور شوية لقيت واحد بيوصل رنجة بالطحينة فى برطمانات كدة لكل المحافظات والحاجات دى بتخلينى افكر كتير
وحبيبة نايمة فا بكلم نفسى 
