Read on Twitter
"سنة أولى سعودية"١- أول مسجد صليت فيه كان في حي الفيحاء قلعت الجزمة ولما دخلت بيها ملقيتش مكان ليها جوا وبعد كده عرفت ان الجزم بتتحط برة المساجد مش زي عندنا
٢- الناس هنا بتحتفل بعيد ميلادها مرتين في السنة مرة بالهجري ومرة بالميلادي، انا لحد دلوقتي معرفش تاريخ ميلادي بالهجري
٣- عندنا استخدام اي شخص للفظ "الأم" بنعتبره سبّة حتى لو كان بيدعيلها، اول اختبار اراقب فيه سحبت الورقة من الطالب لما الوقت خلص فقالي "دقيقة دكتور يرحم أمك" اتعصبت وكنت هقطعله ورقته لولا باقي الطلبة قالولي "ماعليك دكتور عايدي" فهمت ساعتها انه فعلا عادي
٤- تركيزي اني هدخل ابوس من الخد اليمين قبل الشمال (ايام ما كنا بنبوس
) واني هطوِّل عند الخد الشمال شوية، ممكن ينسيني اسم الشخص اللي انا داخل اسلم عليه اصلًا
٥- كنت فاكر ان أحمد الغامدي لازم يكون اخو مهند الغامدي مع انهم ممكن يكونوا ميعرفوش بعض عادي
) واني هطوِّل عند الخد الشمال شوية، ممكن ينسيني اسم الشخص اللي انا داخل اسلم عليه اصلًا٥- كنت فاكر ان أحمد الغامدي لازم يكون اخو مهند الغامدي مع انهم ممكن يكونوا ميعرفوش بعض عادي
٦- حرف "ق" وال "ج" دول بالنسبالي اعجاز لغوي بالذات في كلمات "قروب، قماعة، قميل، قدع"
٧- في لعبة شهيرة اسمها بلوت هموت واتعلمها
٨- لما واحد سعودي يحاول يكلمني بالمصري بحس انه بيحبني أوي لدرجة انه عايز يحسسني اني في بلدي، مع اني ببقى فاهمه بالسعودي أكتر من المصري بتاعه
٧- في لعبة شهيرة اسمها بلوت هموت واتعلمها
٨- لما واحد سعودي يحاول يكلمني بالمصري بحس انه بيحبني أوي لدرجة انه عايز يحسسني اني في بلدي، مع اني ببقى فاهمه بالسعودي أكتر من المصري بتاعه
٩- نفسي اروح الجامعة بثوب "أكيد هتبقى تجربة مريحة" بس ده لو حصل هيبقى في يوم أجازة ومن ٣-٥ الفجر مثلًا علشان أضمن محدش يشوفني
١٠- بحب جدة "مررررة"
١٠- بحب جدة "مررررة"