ثريد: ليه في خناقة على خصوصية المستخدم دلوقتي بين فيسبوك و أبل؟

بص يا سيدي، دلوقتي معظم الابليكشنز بتسجل عندهم اي interaction/click بتعمله جوه الابليكشن مثلًا كل ما تعمل لايك/كومنت/تفتح صفحة/تشوف ستوري...الخ

أبل شهر يونيو اللي فات في مؤتمر المطورين و الاعلان عن iOS14 قدمت تحديثات قوية تخص الخصوصية زي اللمبة الخضرا لما تكون فاتح الكاميرا/الصفرا ميكروفون و غيره.
-جميل ايه دخل فيسبوك؟ أبل قالت كمان انها هتخلي اي مطور/شركة حاطه ابليكشن على Appstore هيكتب و يقر بايه هي الداتا اللي بياخدها

من اليوزر عشان تساعد اليوزر يفهم بالظبط ايه الداتا اللي بتتاخد منه بالظبط و يقرر عايز ينزل التطبيق ده او لا.
- -وَه، هتلاقي صفحة فيسبوك كمثال.#

- هل المفروض نخاف من كل ال analytics او من ال data tracking؟ الحقيقة مش متأكد بس رأيي الشخصي: ان فيه كتير من الداتا دي مفيدة لينا ك user لانها بتساعدهم يسهلوا الاستخدام بتاع الابليكشن based on your behavior

- و كمان في جزء من الداتا دي Not linked to your account/personal info اعتقد ده جزء آمن، بمعنى انهم عارفين ان في يوزر بيعمل كذا جوه الابليكشن بس مش عارفين مين اليوزر ده مش مربوط بايميلك او بال IDFA بتاعك.

- مثال تاني يوضح الفرق اللي ممكن تعمله حاجه زي دي هو الفرق بين ابليكشن واتساب مثلًا و ابليكشن زيه اسمه signal بس ال privacy فيه أعلى

- المهم ايه كمان بقى؟ و ده اللي يعتبر الخازوق الاكبر لفيسبوك و بتعيط منه ؟
كل يوزر عامةً ليه ID كده زي رقم بطاقة اسمه IDFA
Identifier for Advertisers (IDFA)
و ده بتستخدمه عشان الشركات عشان..

عشان تعمل retargeting ليك في apps تانيه غير بتاعتها، و ده باب رزق كبير لفيسبوك ف مثلًا مثلًا لو امازون عارفه انك بتدور على مكنسة او موبايل معين و متسجل عندهم و هما بيستخدموا Facebook SDK جوه، فيسبوك هتطلعلك الاعلان ده عندها او جوه apps تانيه بتستخدم فيسبوك sdk برضو

ف هي قفشاك من ال iD ده و انت بتروح ما بين apps مختلفه بس هي عارفه ان ده عطيه مثلًا اللي بيدور على مكنسة.

طبعًا الشركات بتدفع لفيسبوك بالمليارات عشان تعمل كده و تطلعلك منتجاتها في كل مكان عشان انت تشتري.

قوم بقى ابل تعمل ايه؟ تخلي الناس يقدروا يقفلوا ال IDFA ده و مبيعتهوش لفيسبوك. #حريقه
فيسبوك و غيرها من الشركات اللي بيشتغلوا في نفس الصناعة بيعيطوا من وقتها و قاعدين يقولوا بيقفلوا باب رزق الشركات الصغيرة، لدرجة ان هما عاملين اعلانات في الجرايد عشان يقولوا سيبونا ن track الناس.

عن طريق انك تقول Don't allow app to track

هما قاعدين يرششحوا لبعض من وقتها و تيم كوك الرئيس التنفيذي لأبل كتب التويت النهارده بيلقح عليهم, ايا كان اللي هيحصل ف هو مصلحة اليوزر على الاقل هيكون عنده شوية awareness
https://twitter.com/tim_cook/status/1339720611313065984?s=20
#تمت او هحط ال updates هنا لو فيه