Read on Twitter
انا حابة احكيلكم والله جزء من حياتي كأنثى جت مصر ١٩٩٤ عاشت ف مصر الجديدة حياتها دخلت جامعة خاصة واتخرجت اشتغلت لحد النهاردة في international organizations &banks وكنت باروح الجامعة يا بالسواق يا باص الجامعة مش بتركب مواصلات ومش بتروح حتت شعبية والعربية والسواق موجودين طول عمرهم
عشان اسطورة "سكان الكمبوندات/والأغنيا/الطبقة الفوق متوسطة/الأمهات"مش بيتعرضوا لتحرش لا حضرتك بنعرض للزفت ليل نهار وعلي جميع المستويات وحتي ف اللحظات الل بنبقا واخدين فيها كامل حرصنا وتجيلك الحركة القذرة زي الرصاصية تهد كل احساس بأي أمل بأي أمان ممكن وبنبقا عاوزين نموت ساعتها
هل الرجالة تعرف حاجة عن الكابوس ده لأي ست سايقة عارفين ايه الل بيحصلنا واحنا سايقين؟من نظرات وحركات بذيئة وألفاظ بذيئة بنتعرضلها!وياسلام لو البخت الاسود وقعك فيهم وهم قدامك ولا جنبك ف اشارة طويلة ولا زحمة..الموت بيبقا اهون والله تخيل بقا يبقا معاك اطفالك ف العربية والقرف ده بيحصل
مش معني ان ست مش بتركب مواصلات انها مش بتتعرص للتحرش والاهانة لا عادي جداً حضراتكم انا عاملة ٣حوادث ف حياتي وواحدة منهم كنت هاتقلب عل كوبري اكتوبر عشان الاستظراف والتحرش لمجرد عدم الاستجابة للسيد المتحرش بيقرر يلبسك في رصيف او يقلبك من فوق كوبري عادي بمنتهي الاريحية
كل ال organizations اللي اشتغلت فيها international مابين شركات بترول أمريكية لبنك اوروبي لحد ماتباع وبقا اماراتي .. كل organization من دول ممكن أألف ليكم فيها مجلدات عن الضغط والابتزاز والتحرش الجنسي بانواعه اللي أي بنت وست بتتعرضله من ساعة مابتحط رجلها ف أي شغل
طبعاً استجابات البنات والستات للضغوط لما بتروح تشتغل في اي حته معروف لازم اول ما تحط رجلها في المكان الرجالة المنحطة تبتدي تجربها يا بالتدريج يا بالضغط المباشر علي حسب نوع النطع الل بيجرب مافيش ست/بنت مابتتجربش وهي جديدة عشان يتعرف نظامها واخرها ومدي استجابتها للتصرفات المنحطة
طبعاً البنات الصغيرة الfresh grads دول يبلبسوا الا من رحم ربي وانا من كتر ما الواحدة شافت وطفحت زفت اخدت عهد علي نفسي اكون شبكة أمان لأي ست/بنت جديدة تيجي تشتغل في مكان شغلي وبهدوء كدة اصاحبها ف الاول واتوددلها واعملها orientation لطيف بالrisk persons واحذرها منهم
وكل مكان اشتغلت فيه الصراحة حاولت في قعدات البنات والستات اعرضلهم فكرة شبكة الأمان دي عشان يعملوها مع أي حد جديد ولما النهاردة بقيت ست كبيرة حقيقي اي بنت/ست جديدة باعاملها اني أمها واخلي بالي منها لحد ما أظبطلها كل قائمة السادة المتحرشين في المكان اللي باشتغل فيه
وحقيقي بالتجربة والخبرة بانصح كل الستات/البنات تحتوي ال newcomers ف اماكن الدراسة/الشغل اي حته ويعملوا لبعض orientation بالسادة المتحرشين الموجودين في المكان صدقة جارية وتوفروا علي الناس مواقف قذرة لان مافيش حاجة بتحمينا لاقوانين ولازفت واللي بتشتكي بيتعلم عليها انه trouble maker
واهي نشوى حبيبتي عشرة ١٣سنة ف الشغل عاصرت معايا المديرين الزبالة المتحرشين الرمم الل لو ماقعدتيلوش عل المكتب وهنتتي ودلعتي فيه الجزمة يعلم عليكي وكان من نصيبنا الحمدلله سنين وسنين لا ترقيات ولا فلوس وتسويئ سمعة اننا اسلوبنا وحش وtrouble makers
@NashwaHendy
@NashwaHendy
والشخصيات اازبالة والمواقف الل ممكن تتعرضلها الستات والبنات مش بالضرورة تحرش مكن تكون نوعية الخطاب والمعاملة misogyny صريح وغير صريح ودول للاسف انتي وقدرتك انا عن نفسي في ناس بتاخد بالجزمة علناً واخليه عبرة ومايستجريش يرفع عينه فيا وفي ناس بابلع زفتهم عادي لاني ما اقدرش عليه
أقسم بالله وتشهد نشوى عليا كان عندنا مدير ادارة شمام ومتحرش نجس متجوز مراتة قمر وبناته اطول منه وقمرات بس هو دنئ النفس ومافيش سحلية عدت في الشغل ماسلمتش منه ومن افعاله الشمام ابن الشمامين و trada mark انه زبالة باعتراف الستات والرجالة كمان عادي جداً @NashwaHendy
والله يانشوي كنت بالبس قصير عادي وباعمل شعري فوشيا لو تفتكري مش باللبس ... ولو تفتكري انا كان اسمي الحركي في الشغل "الأشكيف" وبرضو قعدت سنين لا اترقى ولا مرتبي زاد وسبت شغلي بسببه في الاخر بعد ١٣ سنة https://twitter.com/nashwahendy/status/1339870365955272705
وحتي وأنا أم معايا ٣بنات والناني في العربية عملت حادثة بيهم ودخلت في اتوبيس عشان عربية عمال ماشية قدامنا وحاولت اخرج منه عشان البنات ابتدوا يعيطوا من تحرشاتهم وحركاتهم البذيئة وكنا في التجمع الخامس قدام waterway فراح السواق بتاع النص نقل لبسني في اوتوبيس الحمدلله
حتي وانا بافسح البنات في كيدزانيا والله ماسلمتش ... المصيبة ان القرف ده لما بيحصل قدام البنات يعني بابقا هاموت من الخوف اللي باشوفه عليهم بابقا مش عارفة اطرقع للمنحط ده واتعامل ولا الم الدنيا عشان البنات ولا اتصرف ازاي حقيقي يعني السادة المتحرشين بيحطونا في مواقف منتهي النجاسة
ف والله يعني ياريت السادة المزايدين بإن التحرش مش موجود غير مؤخراً او موجود ف الطبقات الشعبية والاقاليم بس لا معلش في احسن كمباوند واغلي جامعة واحلي مكان سهر واللي مابيدخلوش غير الcouples وطبقات معينة بيحصل تحرش وامتهان واستباحة للستات والبنات والمأساة مش مشروطة بطبقة معينة
ياما خرجنا نسهر لازم لازم تلاقي نطع هبت معاه خلاص هو شايفك ست/بنت سهرانه/في حفلة/قاعدة عل ال beach مبسوطة لابسة مايوه بترقصي بتشربي تبقي ييجي منك مافيش فايدة وفي أغلى حتت وفي private beaches يعني الواحد مش عاوز يسمي اماكن بس حقيقي موضوع مافيش تحرش ف طبقة معينة دي اسطورة خيالية
ده غير تحرش الأطباء ربنا مايحكم بيه علي حد والكوافيرات وسواقين الخاصين او سواقين أوبر وحتي ال waiters في اماكن السهر او ال beaches لازم نتلدع من آن لآخر والله مابنسلمش لازم نتكدر
وكل ماسبق كوم ولو لاقدر الله اتحكم عليكي بدخول اقسام شرطة ومحاكم كوم والله لايقدر لحد حقيقي من قلبي السادة أمناء الشرطة والمُحضرين قاع الكوكب والكواكب المحيطة وياسلام لو وقعتي ف ظابط/محامي/وكيل نيابة/قاضي رمة شمام واتعرضتي منه لابتزاز وضغوطات تحرش حقيقي ربنا يكفي الجميع كل سوء
الثريد ده كله علي فكرة مابيفرقش فيه ست حلوة من وحشة محجبة او غير محجبة لبسها طويل من قصير مسيحية من مسلمة المايوه كان قطعة ولا قطعتين ويسري عل جميع أنواع الستات عشان محدش يبرر اننا السبب مافيش واحدة بتفلت حتي جوه الكمبوند وفي الأماكن الغالية الrestricted ف نوع اللي بيدخلوها
اه وبالمرة بقا واللي حابب يرفس يرفس ...ياريت ما تضايقوش لما كل طبقة تعملها جيتو تعيش فيه وتعلي السور حواليها وتروح تخرج وتصيف ف حتت ماترضاش تدخل اي حد وتقعدوا تقوقوا ..ده لما بيتسرب ڤيديو منهم في السوشيال ميديا السعرانين نباحهم وهياجهم شوف بيبقا ازاي مابالك لو اتوجدوا وسطهم #معلش
