“மாதங்களில் நான் மார்கழியாக இருக்கிறேன்”

ஓராண்டுக் காலம் என்பது தேவர்களுக்கு ஒருநாள் ஆகும்.

பகல் பொழுது உத்தராயணம் என்றும், இரவுப் பொழுதை தக்ஷிணாயணம் என்றும் சொல்வார்கள். உத்தராயணம் தொடங்கும் முன், வருகின்ற மார்கழி மாதமே தேவர்களுக்கு உஷத் காலம்.

இறைவனை எண்ணி தியானம், ஜபம் செய்ய தேவர்களின் உஷத் காலமான மார்கழி மாதம்தான் மிகவும் உயர்ந்தது.

“மாதங்களில் நான் மார்கழியாக இருக்கிறேன்” என்று கீதையில் ஸ்ரீகிருஷ்ணர் கூறுகிறார்.

மார்கழி மாத தொடக்கத்தில்தான் பாரதப் போர் தொடங்கியது. இந்தப் போரில் கண்ணன், உலக மக்களுக்காக வழங்கிய கீதை பிறந்ததும் மார்கழி மாதமே!

பாரதப் போர் முடிவடையும் சமயம் பிதாமகர் பீஷ்மர், அம்புப் படுக்கையில் சயனித்திருந்த பொழுது அவர் உச்சரித்ததே விஷ்ணு சகஸ்ரநாமம். விஷ்ணுவின் ஆயிரம் திருநாமங்களை நமக்கு அளித்த தும் மார்கழி மாதமே!

பகவான் நாமம் ஒன்றே கலியுகத்தில் பக்தி மார்க்கத்திற்கு வழி என்று பகவானனே பீஷ்மர் வாயிலாக சகஸ்ரநாமத்தை அருளினார்.

ஆண்டாள் இறைவனை அடைய எண்ணி "பாவை நோன்பு" இருந்து 'திருப்பாவை' அருளியது இந்த புனித மாதத்தில் தான்.

வைணவத் திருத்தலங்களில் பெரும் உற்சவமாகக் கொண்டாடப்படும் வைகுண்ட ஏகாதசி திருநாள், மார்கழி மாதத்தில்தான் வருகிறது.

நடராஜப் பெருமானின் திருநட்சத்திரம் திருவாதிரை. மார்கழி மாதத்தில் வருகின்ற திருவாதிரை நட்சத்திரத்தன்றுதான் ஆருத்ரா தரிசனம் நடைபெறும்.

மார்கழி மாதத்தின் மற்றொரு விசேஷ நாள் ஸ்ரீஅனுமத் ஜெயந்தி. மார்கழி மாதம் அமாவாசை அன்று, மூலம் நட்சத்திரத்தில் வாயு மைந்தன் ஆஞ்சநேயன் பிறந்தார். இதுவும் மார்கழி மாதத்தின் சிறப்பு..

மஹாவிஷ்ணுவுக்கும், கோதா தேவிக்கும், சிவபெருமானுக்கும், வாயுபுத்திரன் அனுமனுக்கும் உகந்த மார்கழி மாதத்தில் நாமும் இறைவனை வழிபட்டு சகல நன்மைகளும் பெறுவோம்

@amrita_1272 @Hiranmayii7 @VasaviNarayanan @LathaPrasana @MalolaNarasimha @CVeeraraghavan @AnuSatheesh5 @TempleTrails @jkgche @Ravi_Indian9 @soundar41 @Vishnudasa_ @rangavembar @rangats @Varsha69396205 @MohanShobitha @NarayananD14 @Ramsuresch @tweets_tinku @vilakkoli @BKannigaa

@krishnananban55