Read on Twitter
#الكويتية_البدوية3
قررت اسوي ثريد كامل عن معاناة بنات القبليات والمواقف اللي حضرتها وسمعتها سواء من اقارب وجيران او زميلات . وبنات اي وحده تبي تشارك دايركت مبطل ومن غير يوزر بعد
قررت اسوي ثريد كامل عن معاناة بنات القبليات والمواقف اللي حضرتها وسمعتها سواء من اقارب وجيران او زميلات . وبنات اي وحده تبي تشارك دايركت مبطل ومن غير يوزر بعد
اكثر الامور اللي لاحظتها وكانت صدمه قويه هي ان شريحه كبيره من البنات حتى وان تجاوزت الثلاثين ولو معاها شهادات الدنيا ، رأيها لايؤخذ بشي ، حتى على توافه الامور يتأخذون قرارات عنها، وحتى ورثها ممنوع تحكم فيه ولازم في وصية ذكر عليه لان ناقصة عقل ماتقدر تدير الاموال:
ومثال على كلامي قصص كثيره تكررت بمجالس النساء عندنا ويبهرني ان في تطبيع كبير مع هذي الوصايه الماليه وحده تشتكي ان اخوانها يتصرفون بالارث حفاظا عليه وطامه الكبرى ان الاخو ضيع الحلال و عليه ديون ولا انسجن.. من فينا يحتاج وصايه؟ ، على الفكره بتنصدمون بمدى انتشار هالامر عند القبليات
٢- الكيرفيو اليومي : ممنوع طلعات،تبون تعرفون شقد سالفه منتشره؟ ٢٠ وحده من بين ٣٠ ماتطلع الا مع امها ولا خواتها.. حتى الجامعه الام توصلها وتنتظرها حماية على شرف القبيله لا يضيع ولا يخرب ويصورن لها الكبت و تسلط هذا "خوف عليها من باقي البشر "لان حرام هي مالها عقل اي احد يؤثر عليها):
٣- الدراسه ونطاق العمل: غالبيه لا يستهان فيها تمنع من دخول الجامعه واختيار تخصص خارج نطاق التعليم عشان راس ابوها لا تسحب منه عضوية مجالس الذكور ، حتى وان درست تخصص مختلط وقت الوظيفه لا يسمح لها او حتى زوجها يجبرها تغير تخصصها
وحده من زميلاتي انخبطت في اخر سنه ثنوي و ملجت ولما جا تقديم على الجامعه اجبرها زوجها تختار شريعه مع ان حلمها حقوق، وبعدين تجي وحده مغسول عقلها تقول "مافيكم الا العافيه ويمكن خيره شفيكم "، حتى امور مدنيه مثل دراسه والزواج والاستقرار يعتبرون حقوق تنتزع او تسلب عند مجتمع البدوي
٤- الزواج: كثير من بنات يزوجونها وهي ماتدري و ولي الأمر يوقع عنها بسبب قانون الكويتي ، يعني متخيلين شقد حياه بائسه لدرجه ممكن تنامين تقعدين انتي متزوجه؟ وشخص ماتعرفينه مجرد ان يشاركج اسم القبيله بس ؟ وهالزوج حياتج وامالج وكل شي تنتقل لعاتقه بعد الزواج وممكن تتقيدين اكثر على مزاجه
ويحزن شلون زواج يعتبر مهرب الوحيد لبعض البنات على امل ان ممكن السحب يطلع موفق ويكون انسان سوي يسمح لها تمارس حياتها طبيعيه وتوافه الامور مثل طلعه ولا اكمال دراسه ! وكثير بنات يجهلون فكرة ان الحريه عندنا مجرد دوائر ممكن تصغر وتكبر على حسب مزاج الشخص نفسه ! لذلك بنات الغو الفكره
طبعا الطلاق ابدا مش خيار مهما كان الزوج سيء وتتعنف منه اصلا التنعيف يعتبر غلط بثقافتنا؟ لا،يعتبرونه من حقه يأدبها و يهينها و يعيد استقامتها ،مايشوفون المراه انسان ، هي بالنسبه لهم مكمل ، جماد ، حيوان، شرف الا انسان.
هذا غير تلاعب العاطفي اللي يمارسونه بسوي عنه ثريد كامل بعدين!
هذا غير تلاعب العاطفي اللي يمارسونه بسوي عنه ثريد كامل بعدين!
5- التعنيف : منظومة الفكر الابوي بمجتمعنا منتشره بشكل مخيف لدرجه ان البنت تنبذ ويتم معاقبتها من قبل باقي افراد الاسره لو فكرت ان تشتكي او توقف بوجه هالعنف هذا غير الشرطه اللي يشوفون ان مو من حقج تلجئين لهم وكلنا شفنا الحادثه البائسه اللي صارت لفتاه بالفردوس!
كم من مرا سمعنا عن مضايقات تحصل لبنات من اهلهم او من طليقهم لو فكرو يشتكون على المعنف ، هم يشوفون روحج رخيصه لدرجة ان عقابج و دفنج و تعنيفج واجب أسري عليهم ومو من حقج تناقشينهم او توقفينهم عند حدهم!
ولاانسى ان اذكر تستر امهات و قوفهم ضد فتيات بجانب اخواتهن المعنفيين لحمايته من شرطه او لسمعته، بل يتم تهديد وتوعيد الفتاه باشد الامور لو فكرت تعلي صوتها وتتكلم عن العنف اللي تتعرض له
6- زواج القاصرات : في بعض القبائل يتم خطب البنات بالمتوسطه ويملجون بالثنوي على الاساس البيت يطلع لهم بسرعه و باغلب الاحيان يكون قهري وبغير رضا البنت !، محد يقدر يقولهم شي لان قانون يسمح بذلك ، طفله بسن المراهقه تتزوج ويتم مساومه عليها من فلان وعلان بدوفيلين محميين بسبب القبيله
وفي بنات يعانون من "اخوه" يستغلون قانون ولي الامر بزواج ويطلقون ويزوجون فخواتهم طمعا بالمهر،هذا القانون اللي يسمح بعدم وجود الفتاه اثناء كتابة عقد الزواج قانون يجب ان يلتغى ، لا بشرع ولابالمنطق صاحبة الشأن لا يؤخذ برأيها !
طبعا ماقدر اما اتطرق لطامه الكبرى و اللي من كبر عدد الضحيات لم تسع اغطيتهم على تغطية هذا الجرم ، زهق ارواح الكويتيات البدويات بسبب #مادة_١٥٣ ، مستوعبين كم روح كويتيه سلبت بسبب هالماده! المخيف بالامر ان بعد تكرار الحوادث خلال سنتين اللي فاتو لاتزال الحكومه صامته عن هالامر!
لان اي دوله تسمح لمواطن عادي باغتناء اسلحه و تخزينها بالبيت؟ تخيلو ان غالبيه البنات البدويات يتفقون معاي بامر اننا مانحس بالامان فبيوتنا ، بيوتنا الملجئ الوحيد لنا مافيه امان!
اعرف فتاه من مرحله المتوسطه انسانه مرحه ومجتهده وطموحه ، نهايتها كانت اكتئاب شديد بسبب سلبها لحقوقها وتعنيفها واهانتها دائمه وبالاخير بعد ما قررت ان تثور على الانتهاكات اتهموها بالجنون و بحب خشوم نواب القبيله دخلوها طب النفسي ، فلانه المجتهده الاولى على دفعتي محتبسه بالطب النفسي
في بعض الامور التي تم تغلفتها بالخطاب الديني مثل لبس المراءه وغيرها ، الكثير من الفتيات البدويات تجبر اجبارا على النقاب والعبايه والحجاب واذا رفضت يتم تعنيفها، يحاولون طمس حريتها واخفائها و اعاقتها بشتى امور الحياه ، عرفتو ليش المراه الكويتيه القبليه مهلوكه؟ لان بكل الامور تُحارب
