Read on Twitter
الشخصية اللي هتكلم عنها النهارده هي شخصيه الطباخ الانجليزي الشهير جيمي اوليفر ٤٥ سنه شخصيه بقدرها ويحترمها جدا جيمي كان ولد عادي من اسره انجليزية متوسطه مكنش شاطر في المدرسه وخلص شهاده GCE بالعافيه ونجح بمادتين بس والنتيجه دي متأهلهوش انه يدخل جامعه ودخل college لتعليم الطبخ 
جيمي دخل معهد لتعليم الطبخ في لندن اسمه Westminster college ودي نوعيه من المعاهد فاتحه في كل منطقه سكنيه عشان تساعد الناس اللي حابين يكملوا تعليمهم بشهادات اقل من الجامعه واسعار ها كمان مش غاليه زي الجامعة بتدي شهادات ممكن الواحد يشتغل بيها ذي طباخ مثلا
جيمي بعد ما اتخرج من المعهد ده اشتغل طباخ معجنات في مطعم ايطالي معروف في لندن كان بيتبع اسلوب بسيط جدا في الطبخ قناه الbbc الشهيره في لندن اكتشفته وعملتله برنامج في الطبخ اسمه The Naked Shef ونجح جدا البرنامج بتاعه لان اسلوبه كان سهل وبسيط في الطبخ وبعد كده عمل اول كتاب في الطبخ
كتاب جيمي نجح جدا واصبح الكتاب رقم واحد في انجلترا وتبعه بعد كده برامج طبخ تانيه وكتب كتير في الطبخ وصلت ل٢٠ جيمي اخد جوائز كتير من جهات متعدده ودعي الطبخ لرئيس الوزراء الانجليزي جيمي حقق ثروه كبيره من شغله وفتح سلسله مطاعم عالميه مشهوره باسمه لكن اكتر حاجه شدتني عشان اكتب عنه
اكتر حاجه خلتني اكتب عن جيمي اوليفر هي اعماله الخيريه جيمي عشان مكنش شاطر في المدرسه قرر انه يعمل مدرسه وبرنامج طبخ في واحد من مطاعمه لتعليم الشباب اللي ساب المدرسه لاعتقادهم انهم فاشلين في التعليم وقرر انه يعلمهم بطريقه جديده ومبتكره عشان يحبوا التعليم من تاني مش بس كده كمان
عمل جيمي اوليفر حملة مشهوره في انجلترا سماها feed me better يعني اكلني افضل لاطفال المدارس لانه لاحظ ان الاكل في المدارس للاطفال غير صحي وغير مبتكر ولذيذ فقرر يساعد المدارس علي تقديم اكل افضل وصحي اكتر للاطفال وخصوصا في المدارس الحكوميه جيمي من اغنياء وله شعبيه كبيره في انجلترا
