Read on Twitter
24 hores falando #asturllionés en Miranda del Douro 
La selmana anterior pasé un día na capital de la Tierra de Miranda, una comarca portuguesa que perteneció al Reinu de Llión y onde -dicen- tovía se fala la nuesa llingua. Voi cuntavos la mio esperiencia.
ABRO FILU
Dase la circunstancia de que soi trilingüe (falo asturllionés, castellanu y gallego-portugués), conque la mio intención yera falar mirandés de mano y cambiar al portugués cuando nun fore posible la comunicación.Un plan fríamente calculáu, ensin fisures.
Nós agospiemos nel Residencial Santa Cruz, un llugar bien afayadizu al llau del castiellu por namás 35€/pareya. Lo meyor ye qu'en tolos cuartos teníen l̵a̵ ̵B̵i̵b̵l̵i̵a̵ un diccionariu de mirandés pa consulta 
«¡Meca, entós igual se fala más de lo que pensaba», dixi pa min.
Como yera tarde, fuimos cenar al restorán del residencial:—Somos asturianos, fálan un cachico la lhéngua?
—Sim.
Y el restu de la cena atendiéronmos en castellanu...
Polo demás, el bacalhau dourado taba pa fartucar. Y mirái, voi dicívoslo, comer comimos como gochos
*Nun hai documentu audiovisual sobre la cena en cuestión. Porque yá sabéis que "oveya que berra, bocáu que pierde".
Pela mañana fuimos almorzar al Café Arcádia. «Venga, esta vuelta de xuru que van falame mirandés»:—Ua meia de lheite
—
—Uma meia de leite?
—Ah!
De la que diba pagar fíxime'l tuntu:
—Como é que se diz "leite" em mirandês?
—Mmmmh... "leche", como em castelhano.
—
Yeren les 11h y tocaba facer como que yéremos turistes. Baxemos entós al ríu pa dir en barcu pente les foces del #Douro, con escobios de 200 m 
—Quer plano do percurso em português ou castelhano?
—Tem em mirandês?
—Em mirandês? Ehm, não…
MUI GUAPO LES FOCES DEL DOURO
Son les 12:30h, y ye hora de xintar. Esto nun ye España, tamos nun país decente con horarios decentes. Nel restorán São Pedro topamos un menú de 13€ con esti cartelucu. PERO YO NUN ME FÍO 
—Ye berdade que fálan mirandés?
—Si
—Somos asturianos. Entienden se falamos la nuessa lhéngua?
—Si
—y entama a dicinos la carta n'asturllionés mientres yo ensugaba una llárima—.¿Que cómo taba la comida? El bife de xata mirandesa nun lu asaltaba un ayerán, amigos
En saliendo del restorán, sobre les 14:30h, sorpréndemos un tagayu de xente con cara d'afamiaos esperando pa entrar a comer (españoles, claro) 
Una vueltiquinaNun maxinaba una villa tan histórica, a pesar de ser piquiñina tien un cascu enforma interesante y conserváu. El castiellu ta en ruines dende la Guerra del Mirandún (1762), cuando los castellanos españaron 250 barriles de pólvora matando 1/3 de la población
Dempués de la traxedia, la sede de la diócesis afitada en Miranda dende tiempos de D. Jõao III foi treslladada a Bragança en 1764 por decisión del obispu Aleixo de Miranda Henriques, lo que foi visto como una auténtica traición per parte del pueblu mirandés. Y ehí quedó...
Ún de los requexos más formosos ye la Rue de la Costanielha, onde se caltién la Puorta de Nuossa Senhora del Amparo, colos sos dos torruxones y parte de la muralla medieval remocicada pol rei D. Denis (sieglu XIII) 
Esta cai ta chiscada d'edificios manuelinos y románicos, como la Casa de la Lhéngua, bien guapina, tien cuatro ventanes n'esquina y ménsules con forma de culos. Anguaño ye la sede de l'Associaçon de Lhéngua i Cultura Mirandesa 
De cuando en vez alcontrábemos graffitis con escenes o frases mirandeses, como esta, que pretende normalizar la llingua dende la hexemonía del machismu.Unos visionarios.
Yá na plaza del conceyu entramos al Muséu de la Tierra de Miranda.
El nome del muséu ye en portugués Pido entraes en mirandés, respuenden en castellanu
Folletos trillingües (pt, ast, cas) Rotulación billingüe (pt & ast) Vieyufobia: de baldre menores de 29
El muséu ye piquiñín y échase en falta más conteníu, pero la visita paga la pena. Faeste una idea bastante bona de la vida y la cultura del pueblu mirandés y alcuentres munchos espacios comunes con Asturies y Llión.
La montera mirandesa, que ye idéntica a l'alistana, tien tamién "un aquel" a l'asturiana. ¿Qué vos paez?
Al final compré un folletucu cola semeya icónica d'un "gueiteiro" fecha por Domingos Alvão (1940) 
Faltábame namás garrar un "lhibrico" y fui a una llibrería de la Rue Mouzinho:—Quanto ye?
—
—QUANTO YE? —repítolo arremeyando los güeyos—.
—10€
Prueba superada
Primero de marchar les moces tiráronmos de la oreya hasta una tienda d'alcordances que llevaba un matrimoniu de paisanucos. La cosa ye que dientro teníen una capa d'honres, como la que sal representada nel monumentu a los mirandeses de la Plaza San Xuan.
—Você é portugués, não é?
—Não, eu vivi tempo na raia, mas somos todos asturianos.
—Asturianos? Sabe que na Idade Média trazeram a nossa língua desde Oviedo?
—Si, sei que falamos la mesma lhéngua.
—Si!
—Não, eu vivi tempo na raia, mas somos todos asturianos.
—Asturianos? Sabe que na Idade Média trazeram a nossa língua desde Oviedo?
—Si, sei que falamos la mesma lhéngua.
—Si!
—I quanto puode custar ua capa d’honras?
—1000€, mas yera problema se entraba la troça, la polilha.
—I stán feitas de lhana?
—Si, de lhana!
—1000€, mas yera problema se entraba la troça, la polilha.
—I stán feitas de lhana?
—Si, de lhana!
En conclusión, nesti viaxe confirmé más o menos lo que yá sabía; que l'asturllionés consérvase daqué nes aldees y poco na capital.Irónicamente, nuna ciudá onde se fai de la lhéngua un poderosu y visible elementu de marketing turísticu ye cuasi imposible comunicase nella.
Y xunta ello amestamos otra llección, y ye que'l nivel de desconocimientu ye talu que si fales mirandés lo más probable ye que te respuendan en castellanu 
Con too y con ello, los mirandeses son xente amable y acoyedora, con un carácter duru y posáu, mui asemeyáu al de los asturianos del occidente.Conque sí, tornaremos nun futuru pa visitar el restu la comarca y tentar de FALAR ASTURLLIONÉS NES ALDEES
