![Wecker ⏰](https://abs.twimg.com/emoji/v2/72x72/23f0.png)
24 hores falando
#asturllionés en Miranda del Douro
![Löwengesicht 🦁](https://abs.twimg.com/emoji/v2/72x72/1f981.png)
La selmana anterior pasé un día na capital de la Tierra de Miranda, una comarca portuguesa que perteneció al Reinu de Llión y onde -dicen- tovía se fala la nuesa llingua. Voi cuntavos la mio esperiencia.
ABRO FILU
![Tastenkappe Ziffer 1 1⃣](https://abs.twimg.com/emoji/v2/72x72/31-20e3.png)
Dase la circunstancia de que soi trilingüe (falo asturllionés, castellanu y gallego-portugués), conque la mio intención yera falar mirandés de mano y cambiar al portugués cuando nun fore posible la comunicación.
Un plan fríamente calculáu, ensin fisures.
![Tastenkappe Ziffer 2 2⃣](https://abs.twimg.com/emoji/v2/72x72/32-20e3.png)
Nós agospiemos nel Residencial Santa Cruz, un llugar bien afayadizu al llau del castiellu por namás 35€/pareya. Lo meyor ye qu'en tolos cuartos teníen l̵a̵ ̵B̵i̵b̵l̵i̵a̵ un diccionariu de mirandés pa consulta
![Offenes Buch 📖](https://abs.twimg.com/emoji/v2/72x72/1f4d6.png)
«¡Meca, entós igual se fala más de lo que pensaba», dixi pa min.
![Tastenkappe Ziffer 3 3⃣](https://abs.twimg.com/emoji/v2/72x72/33-20e3.png)
Como yera tarde, fuimos cenar al restorán del residencial:
—Somos asturianos, fálan un cachico la lhéngua?
—Sim.
Y el restu de la cena atendiéronmos en castellanu...
![Person shrugging 🤷](https://abs.twimg.com/emoji/v2/72x72/1f937.png)
Polo demás, el bacalhau dourado taba pa fartucar. Y mirái, voi dicívoslo, comer comimos como gochos
*Nun hai documentu audiovisual sobre la cena en cuestión. Porque yá sabéis que "oveya que berra, bocáu que pierde".
![Tastenkappe Ziffer 4 4⃣](https://abs.twimg.com/emoji/v2/72x72/34-20e3.png)
Pela mañana fuimos almorzar al Café Arcádia. «Venga, esta vuelta de xuru que van falame mirandés»:
—Ua meia de lheite
![Heißgetränk ☕️](https://abs.twimg.com/emoji/v2/72x72/2615.png)
—
![Mundloses Gesicht 😶](https://abs.twimg.com/emoji/v2/72x72/1f636.png)
—Uma meia de leite?
![Gesicht mit hochgezogener Augenbraue 🤨](https://abs.twimg.com/emoji/v2/72x72/1f928.png)
—Ah!
De la que diba pagar fíxime'l tuntu:
—Como é que se diz "leite" em mirandês?
—Mmmmh... "leche", como em castelhano.
—
![Tastenkappe Ziffer 5 5⃣](https://abs.twimg.com/emoji/v2/72x72/35-20e3.png)
Yeren les 11h y tocaba facer como que yéremos turistes. Baxemos entós al ríu pa dir en barcu pente les foces del
#Douro, con escobios de 200 m
![Schiff 🚢](https://abs.twimg.com/emoji/v2/72x72/1f6a2.png)
![Schweißtropfen 💦](https://abs.twimg.com/emoji/v2/72x72/1f4a6.png)
—Quer plano do percurso em português ou castelhano?
—Tem em mirandês?
—Em mirandês? Ehm, não…
MUI GUAPO LES FOCES DEL DOURO
![Tastenkappe Ziffer 6 6⃣](https://abs.twimg.com/emoji/v2/72x72/36-20e3.png)
Son les 12:30h, y ye hora de xintar. Esto nun ye España, tamos nun país decente con horarios decentes. Nel restorán São Pedro topamos un menú de 13€ con esti cartelucu. PERO YO NUN ME FÍO
![Tastenkappe Ziffer 7 7⃣](https://abs.twimg.com/emoji/v2/72x72/37-20e3.png)
—Ye berdade que fálan mirandés?
—Si
—Somos asturianos. Entienden se falamos la nuessa lhéngua?
—Si
![Grinsendes Gesicht 😀](https://abs.twimg.com/emoji/v2/72x72/1f600.png)
—y entama a dicinos la carta n'asturllionés mientres yo ensugaba una llárima—.
¿Que cómo taba la comida? El bife de xata mirandesa nun lu asaltaba un ayerán, amigos
![Stück Fleisch 🥩](https://abs.twimg.com/emoji/v2/72x72/1f969.png)
En saliendo del restorán, sobre les 14:30h, sorpréndemos un tagayu de xente con cara d'afamiaos esperando pa entrar a comer (españoles, claro)
![Tastenkappe Ziffer 8 8⃣](https://abs.twimg.com/emoji/v2/72x72/38-20e3.png)
Una vueltiquina
Nun maxinaba una villa tan histórica, a pesar de ser piquiñina tien un cascu enforma interesante y conserváu. El castiellu ta en ruines dende la Guerra del Mirandún (1762), cuando los castellanos españaron 250 barriles de pólvora matando 1/3 de la población
![Tastenkappe Ziffer 9 9⃣](https://abs.twimg.com/emoji/v2/72x72/39-20e3.png)
Dempués de la traxedia, la sede de la diócesis afitada en Miranda dende tiempos de D. Jõao III foi treslladada a Bragança en 1764 por decisión del obispu Aleixo de Miranda Henriques, lo que foi visto como una auténtica traición per parte del pueblu mirandés. Y ehí quedó...
![Taste 10 🔟](https://abs.twimg.com/emoji/v2/72x72/1f51f.png)
Ún de los requexos más formosos ye la Rue de la Costanielha, onde se caltién la Puorta de Nuossa Senhora del Amparo, colos sos dos torruxones y parte de la muralla medieval remocicada pol rei D. Denis (sieglu XIII)
![Tastenkappe Ziffer 1 1⃣](https://abs.twimg.com/emoji/v2/72x72/31-20e3.png)
![Tastenkappe Ziffer 1 1⃣](https://abs.twimg.com/emoji/v2/72x72/31-20e3.png)
Esta cai ta chiscada d'edificios manuelinos y románicos, como la Casa de la Lhéngua, bien guapina, tien cuatro ventanes n'esquina y ménsules con forma de culos. Anguaño ye la sede de l'Associaçon de Lhéngua i Cultura Mirandesa
![Tastenkappe Ziffer 1 1⃣](https://abs.twimg.com/emoji/v2/72x72/31-20e3.png)
![Tastenkappe Ziffer 2 2⃣](https://abs.twimg.com/emoji/v2/72x72/32-20e3.png)
De cuando en vez alcontrábemos graffitis con escenes o frases mirandeses, como esta, que pretende normalizar la llingua dende la hexemonía del machismu.
Unos visionarios.
![Tastenkappe Ziffer 1 1⃣](https://abs.twimg.com/emoji/v2/72x72/31-20e3.png)
![Tastenkappe Ziffer 3 3⃣](https://abs.twimg.com/emoji/v2/72x72/33-20e3.png)
Yá na plaza del conceyu entramos al Muséu de la Tierra de Miranda.
![Kreuzzeichen ❌](https://abs.twimg.com/emoji/v2/72x72/274c.png)
El nome del muséu ye en portugués
![Kreuzzeichen ❌](https://abs.twimg.com/emoji/v2/72x72/274c.png)
Pido entraes en mirandés, respuenden en castellanu
![Fettes weißes Häkchen ✅](https://abs.twimg.com/emoji/v2/72x72/2705.png)
Folletos trillingües (pt, ast, cas)
![Fettes weißes Häkchen ✅](https://abs.twimg.com/emoji/v2/72x72/2705.png)
Rotulación billingüe (pt & ast)
![Kreuzzeichen ❌](https://abs.twimg.com/emoji/v2/72x72/274c.png)
Vieyufobia: de baldre menores de 29
![Tastenkappe Ziffer 1 1⃣](https://abs.twimg.com/emoji/v2/72x72/31-20e3.png)
![Tastenkappe Ziffer 4 4⃣](https://abs.twimg.com/emoji/v2/72x72/34-20e3.png)
El muséu ye piquiñín y échase en falta más conteníu, pero la visita paga la pena. Faeste una idea bastante bona de la vida y la cultura del pueblu mirandés y alcuentres munchos espacios comunes con Asturies y Llión.
![Tastenkappe Ziffer 1 1⃣](https://abs.twimg.com/emoji/v2/72x72/31-20e3.png)
![Tastenkappe Ziffer 5 5⃣](https://abs.twimg.com/emoji/v2/72x72/35-20e3.png)
La montera mirandesa, que ye idéntica a l'alistana, tien tamién "un aquel" a l'asturiana. ¿Qué vos paez?
![Tastenkappe Ziffer 1 1⃣](https://abs.twimg.com/emoji/v2/72x72/31-20e3.png)
![Tastenkappe Ziffer 6 6⃣](https://abs.twimg.com/emoji/v2/72x72/36-20e3.png)
Al final compré un folletucu cola semeya icónica d'un "gueiteiro" fecha por Domingos Alvão (1940)
![Kamera mit Blitz 📸](https://abs.twimg.com/emoji/v2/72x72/1f4f8.png)
![Mehrere Musiknoten 🎶](https://abs.twimg.com/emoji/v2/72x72/1f3b6.png)
![Bücher 📚](https://abs.twimg.com/emoji/v2/72x72/1f4da.png)
Faltábame namás garrar un "lhibrico" y fui a una llibrería de la Rue Mouzinho:
—Quanto ye?
—
![Mundloses Gesicht 😶](https://abs.twimg.com/emoji/v2/72x72/1f636.png)
—QUANTO YE? —repítolo arremeyando los güeyos—.
—10€
Prueba superada
![Tastenkappe Ziffer 1 1⃣](https://abs.twimg.com/emoji/v2/72x72/31-20e3.png)
![Tastenkappe Ziffer 7 7⃣](https://abs.twimg.com/emoji/v2/72x72/37-20e3.png)
Primero de marchar les moces tiráronmos de la oreya hasta una tienda d'alcordances que llevaba un matrimoniu de paisanucos. La cosa ye que dientro teníen una capa d'honres, como la que sal representada nel monumentu a los mirandeses de la Plaza San Xuan.
—Você é portugués, não é?
—Não, eu vivi tempo na raia, mas somos todos asturianos.
—Asturianos? Sabe que na Idade Média trazeram a nossa língua desde Oviedo?
—Si, sei que falamos la mesma lhéngua.
—Si!
—I quanto puode custar ua capa d’honras?
—1000€, mas yera problema se entraba la troça, la polilha.
—I stán feitas de lhana?
—Si, de lhana!
![Tastenkappe Ziffer 1 1⃣](https://abs.twimg.com/emoji/v2/72x72/31-20e3.png)
![Tastenkappe Ziffer 8 8⃣](https://abs.twimg.com/emoji/v2/72x72/38-20e3.png)
En conclusión, nesti viaxe confirmé más o menos lo que yá sabía; que l'asturllionés consérvase daqué nes aldees y poco na capital.
Irónicamente, nuna ciudá onde se fai de la lhéngua un poderosu y visible elementu de marketing turísticu ye cuasi imposible comunicase nella.
![Tastenkappe Ziffer 1 1⃣](https://abs.twimg.com/emoji/v2/72x72/31-20e3.png)
![Tastenkappe Ziffer 9 9⃣](https://abs.twimg.com/emoji/v2/72x72/39-20e3.png)
Y xunta ello amestamos otra llección, y ye que'l nivel de desconocimientu ye talu que si fales mirandés lo más probable ye que te respuendan en castellanu
Tip: mention @twtextapp on a Twitter thread with the keyword “unroll” to get a link to it.