Thread by @EsllGladii, من وقت للتاني بنسمع أن #تركيا طلعت سفينه للتنقيب عن البترول في [...]

من وقت للتاني بنسمع أن #تركيا طلعت سفينه للتنقيب عن البترول في شرق البحر #المتوسط و ده دايما بيكون متزامن(تقريبا اليوم التالي)مع أي ترسيم لحدود بحريه مابين أي دولتين في المتوسط وخصوصا لو كان طرف منهم هو #مصر

وهنا أحب أن أوضح بعض النقاط لغير المتخصصين في مجال #البترول
يتبع

من وقت للتاني بنسمع أن #تركيا طلعت سفينه للتنقيب عن البترول في شرق البحر #المتوسط و ده دايما بيكون متزامن(تقريبا اليوم التالي)مع أي ترسيم لحدود بحريه مابين أي دولتين في المتوسط وخصوصا لو كان طرف منهم هو #مصر وهنا أحب أن أوضح بعض النقاط لغير المتخصصين في مجال #البتروليتبع

علشان لما تقرأ أو تسمع خبر زي ده تبقي عارف إيه الموضوع ... لإنه كالعاده هما (تركيا يعني) يخاطبون نوعيه معينه من زبائنهم لمجرد إنتزاع وقتي لأهات الإعجاب بالخليفه المغرور العثماني لكن هو في الحقيقه قمه الإتسخفاف بالعقول.

١- مبدئيا كده مافيش حاجه أسمها إن شركه أو بلد أو حتي كائنات فضائيه تصحي الصبح و قبل ماتفطر تبعت سفينه في البحر علشان تنقب عن الغاز أو البترول ... خبر زي ده هو أكثر إضحاكا من قفشات إسماعيل ياسين في فيلم إبن حميدو.

٢- عمليه التنقيب لها خطوات و ترتيبات و خطط و دراسات لازم تتم الأول ... الدراسات دي ممكن تاخد مابين سنه (ده لو هما مستعجلين قوي) إلي ٣ سنين و ده من بدايه منح حق الأمتياز حتي بدايه حفر أي بئر.

٣- قرار تحديد مكان حفر أي بئر لازم يكون بناء علي معلومات دقيقه جدا تسمي بالمعلومات السيزميه (موجات صوتيه) ودي بتكون عن طريق مسح المنطقه بالكامل بالمسح السيزمي المكلف جدا ، بعدها تبدء عمليه المعالجه لتحويل هذه الموجات لبيانات يمكن من خلالها قراءه شكل طبقات الأرض

ومن خلالها تحديد أفضل التراكيب الچيولوچيه لحفر اليئر.

٤- الحصول علي هذه المعلومات السيزميه يستغرق سنه علي الأقل للحصول عليها و بعدها تبدء مرحله التفسيرات عن طريق متخصصين في هذا المجال و دي لوحدها بتاخد سنه تانيه علي أقل تقدير

وبعد ده كله تبدء مرحله التحضير للحفر ودي عمليه معقده جدا وتزداد تعقيدا كلما زاد عمق الماء أو عمق الطبقه المستهدفه تحت سطح البحر و اللتي من الممكن ان تصل الي عمق ٦٠٠٠ متر (٦ كيلو متر).

٥- عمليه حفر أي بئر هي عمليه شديد الخطوره إذا لم تستوفي الشركه جميع المعلومات المطلوبه

قبل بدء الحفر .... زي مثلا ... طبيعه الصخور اللي هايتم حفرها .. أحتمال وجود شروخ أو تصدعات صخريه .. هل الطبقات لينه أو شديده الصلابه .. هل توجد طبقات قريبه من السطح تحمل غازات مضغوطه تسمي جيوب غازيه (دي لوحدها ممكن تطير البريمه باللي عليها في ثواني) ...

ماهي الضغوط المحتمله لكل طبقه حتي الوصول للعمق النهائي للبئر .... ألخ ... ألخ.
كل هذه المعلومات تحدد نوع البريمه المطلوبه و قوتها ..وكذلك تحديد خطه الحفر من حيث نوع الدقاقات المطلوبه .. نوع سوائل الحفر و درجه لزوجتها و قوه إحتمالها لمعادله الضغوط المحتمله..

نوع التسجيلات المطلوبه ... مراحل تغطيه الأجزاء اللتي تم حفرها ... الخ ... الخ.

٦- فاضل معلومه صغيره أحب انكم تعرفوها و هي ان تكلفه حفار المياه العميقه في اليوم الواحد تصل لمليون دولار .. يعني الساعه الواحده ب ٤١ الف دولار. ...

تكلفه حفر بئر واحد في المياه العميقه ممكن توصل إلي ٣٠٠ مليون دولار (إستثمارات حقل ظهر حتي الأن حوالي ١١ مليار دولار تقريبا)

ده تبسيط شديد جدا لعمليه شديده التعقيد لمجرد تقريب الفكره لحضرتكم ...!

يبقي لما تسمع إن أي بلد في العالم سواء تركيا أو غيرها قررت فجأه إنها تبعت سفينه علشان تنقب عن البترول و بدون مقدمات فده علي طول يقول لحضرتك حاجه من ثلاثه ...:
١- يا إما اللي بيقول كده جاهل ومش فاهم هو بيتكلم علي ايه.

٢- يا إما هو مطلع سفن في قرار إنفعالي لحفظ ماء الوجه و علشان يستفذ دول تانيه و يجر شَكَلها والموضوع ملوش أي علاقه بالتنقيب.

٣- يا إما السفن دي طالعه تصطاد سمك و جمبري و بيضحكوا عليه و بيقولوله إنهم طالعين ينقبوا عن الغاز .. ده حتي صيد السمك محتاج ترتيب أطول من كده

و ربنا يكفيكم و يكفينا شر الجهل و شر تهيؤات حسن يوسف لما كان بيدور علي الزيت.
"افرح ي رجب خط احمر كمان فى البحر ولا تزعل"

#تحيا_مصر

Latest Threads Unrolled: