Long thread.

Kal Priyanka Gandhi ne ek khat likha. Kamal Nath ne 11 chandi ki itien Ayodhya bheji. Divijay Singh ye sabit karte rahe ke Ram Mandir ki buniyad Rajiv Gandhi ne rakhi thi. Mukhtasir alfaaz me kahe to kal Congress ne #RamMandirBhumiPujan purkhulusi se manaya. 1/n

Ye 'unapologetic Islamophobic' chehra dekh ke zyadatar Musalmaan hairat me reh gaye. Phir Shashi Sahab Congress ko bachane ya yu kahe ke Musalmaano ko neutralize karne ke liye tweet kiye. Twitter pe ye inka pehla stunt nahi hai, iska namoona hum pichle January dekh chuke hai. 2/n

Inka doglapan aur humari qaum ki bechargi ko alag rakhiye, ab ye sawaal puchiye ke kya Musalmaan waqayi Congress ko apna masiah banaye baithe hai? Wohi Congress jisne apne 70 saal ke hukumat me Musalmaano ko rond diya? Jisne Sachhar Committee ki sifarishat ko nazarandaz kia? 3/n

Yaad kariye, Priyanka ki dadi Indira Gandhi hai. Wohi jinhone Delhi me Viraat Hindu Sammelan karaya tha. Is sammelan ki ek matr wajah thi ke Tamil Nadu me kuch Dalito ne apni marzi se Islam qabul kia tha. 4/n

Phir Congress ne dusra Hindu Viraat Sammelan Patna me karaya. Iski dekh rekh Congressi MP Shankar Dayal Singh ne ki. Is tarah ke HVS me Congress RSS ke saath milke kaam karti thi. 5/n

Phir Jammu me elections hue. Waha pe Congressi MP Karan Singh ne azaad Hindustan pehli baar 'Hindu khatre me hai' ki line boli. Ye wohi line hai jo 1992 me aur uske baad hue anti-Muslim pogroms me istemaal kiye jata tha. Kabhi naare ki tarah, kabhi takreero me. 6/n

Phir Ekatmata Yatra hui 1983 me, aur 1984 me Ayodhya me pehli meeting hui. Is meeting ke sadar Dau Dayal Khanna the. Haan ji, ye bhi Congress ke leader hai aur inhone hi sabse pehle Ram ke janambhumi ki azadi maangi thi. 7/n

Phir Indira Gandhi ka katl hua. Uske fauran baad hi Hindustan me dange shuru ho gaye. In me kayi Sikho ki jaan gayi. RSS ne Congress ka saath diya. Amitabh Bachhan ne national tv pe kaha ke 'Khoon ka badla khoon se lia jaega.' 8/n

1986 me Rajiv Gandhi ne Ayodhya ka taala khulwaya. Hindu Rashtra ke normalization ki taraf ye pehla step tha. Mubarak ho, ye usi Congress ne kiya jo aaj bhi apne aap ko humari qaum ka rehnuma maanti hai. Isse badtar to wo log hai jo aaj bhi Congress se umeed bande baithe hai. 9/n

1987-88 ke dauraan Ramayan ka broadcast hua. Hindu Rashtra ki buniyad, aur 'Hindi, Hindu, Hindutva' ka narrative isi show ki badaulat khada hai. Is show ke broadcast me aapko bureaucracy me Islamophobia ki jhalak milegi. Ye pura 'drama' PM Rajiv Gandhi ke tenure me chala. 10/n

Ab ye drama PM Modi broadcast kar rahe hai. 1989 elections ke waqt Rajiv Gandhi ne apna campaign Ayodhya se shuru kia, aur ye bol ke shuru kia ke wo 'Ram Rajya' se committed hai. Inka commitment aapko 1992 ki central government me inki chuppi me bazahir dikhega. 11/n

Is thread me bohut kuch maine include nahi kia, ke agar karti to thread aur lamba ho jata. Aap shayad ye bhi na padhe, lekin agar padh lein to agli baar kisi bhi Congressi ko ye claim mat karne diega ke wohi Musalmaan qaum ke messiah hai. n/n