١. يا جماعة. مش كل لبنان ربيان ع مفهوم المقاومة. يمكن نص الشعب ما بيعنيلهن الموضوع. أنا ما بحياتي كنت مأثر مباشرةً بإسرائيل، وولا مرة كنت افهم ليه اسرائيل عدو وسوريا اللي أذيت ضيعتي وعيلتي مش عدو. يعني لوما بالصدفة تعرفت ع أصدقاء من الجنوب، كان بعده لهلّأ مش عانيلي الموضوع ->

٢. متل ما الجنوب ما تأثر بالنظام السوري، نحنا بالشمال مثلًا أنجأ تأثرنا بإسرائيل حتى بالـ٢٠٠٦ (عدا كم ضربة عالخفيف). فإذا بتعتبر كل حدا ما بتعنيله المقاومة عميل، يعني عم تحكي عن شريحة كتير كبيرة من الشعب. وكل ما تتهمهن أكتر بالعمالة، كل ما وقفوا ضدك. ->

٣. كرمال هيك، المقاومة لازم تطلع من الدولة مش من حزب ديني أديولوجي. بس أكيد ما يسمى بالدولة الحالية مبسوطة انها شايلة إيدها من الموضوع وتاركته لحزب واحد. بس الدولة الفعلية بتتحمل مسؤولية كل ضربة بتصير ع أرضها وبتتحمل مسؤولية الدفاع عن كل شقفة أرض وكل مواطن وكل مقيم.