Read on Twitter
عايزة اتكلم عن عن الشيوخ الي غيروا طريقة لبسهم عشان يكونوا شبه الناس الي بيدعوهم اكتر بس في النهاية هما بيقولوا نفس الكلام الي باقي الشيوخ بيقولوه بس بأسلوب اهدي و ابتسامة سمجة. و بدل ما يقولوا الكلام ده في برنامج تلفيزوني بيبقي فيديو علي الانترنت.
عايزة اتكلم ان المجتمعات بتتغير طول الوقت بس طريقة الدعوة هي هي. و الشيخ الي معندوش وعي بالمجتمع و تغيراتة و الحالات النفسية هو الشخص اللي لسة الناس بتسمعلة و بيخادوا كلامه علي ان هو مش يغلط و لا مثلا ممكن يبقي تفسيره للقرآن متأثر بشدة بحياتة الشخصية او مكانه الاجتماعي.
زهقت بجد من الشيوخ دي و تعامل الناس معاهم كأنهم بيتكلموا عن لسان ربنا و بيدافعوا عنهم باستماتة. و فكرة ان عشان الشيخ چماوي و لابس شورت و معانا يبقي كده خلاص هنعتبره مختلف و بيقول كلام مختلف عن الشيوخ الكخة المتشددين الي بيزعقولنا دول و في الحقيقة هو بجد بيقول نفس الكلام بظبط.
علي فكرة ممكن ييقي الشيخ مش شبهي و مش عايش حياتي بس برضة اسمع منه طول ما هو واعي بالمكان و زمان الي هو فيه و شايف تغيرات المجتمع و الناس. هي دي الحاجات الي و رجال او حتي نساء الدين محتاجين يغيروها مش بس هدومهم و طريقة كلامهم.
انا مش هحضر درس دين مع واحدة لمجرد انها AUC و بتتكلم English. انا عايزة واحدة قادرة تربط ما بين الدين و مجتمع و تعترف ان الاثنين بيأثروا علي بعض.
انا فعلاً مش قادرة الاقي وجه الاختلاف مابين عبد الله رشدي و الشيخ محمد حسين يعقوب. بجد بجد بيقوله نفس الكلام بس واحد بيزعق و واحد هادي. واحد بدقن و جلابية و التاني بشورت و AirPods.
الرحمة و الله مش كده.
الرحمة و الله مش كده.
