Read on Twitter
ده تشارلس لاكي لوتشيانو الشخصية الأهم في عالم الجريمة المنظمة الأمريكية لأنه يعتبر الأب الروحي للمافيا الايطالية في أمريكا وحول العصابات الايطالية الأصل من مجرد عصابات متناحرة ومتفرقة بتتخانق مع بعضها لعصابات جريمة منظمة وكون ما يسمى الكوزا نوسترا Cosa Nostra
طبعا قبل ما يعمل ده كله العصابات الايطالية في أمريكا مرت بعدة مراحل أولها كان فترة الProhibition أو فترة منع الخمور في أمريكا واللي بدأت من 1920 وانتهت سنة 1933 الفترة ديه شهدت ازدهار العديد من العصابات لاضطلاعها في تهريب الخمور وبالتالي عملت فلوس كتير جدا
وفي نفس الوقت العصابات ديه حصل حروب كتير بينها وبين بعض على مين يمسك خطوط الامداد والتهريب وبيع الخمور للأمريكان واللي السوق كان متعطش بشكل وحشي للخمور بالرغم من المنع الحكومي ليها وبالرغم من محاولة الحكومة منع ذلك الا انها فشلت في ذلك وبدأت العصابات تتطور سنة بسنة لغاية
لغاية ما وصلت لعصابتين كبار في نيويورك زعمائها كانوا جوسيبي مازاريا والتاني سالفاتور مارنزانو ، جوسيبي وسلفاتور كانوا ما يسموا المدرسة التقليدية أو المحافظين في المافيا الصقلية واللي كانت بترفض دخول أي أمريكي من أصل ايطالي ما كنش صقلي الأصل وبل وكانوا بيرفضوا يتعاملوا مع العصابات
الأخرى زي اليهود والأيرلنديين المدرسة القديمة القديمة ظهر مدرسة أخرى معارضة ليها وكان اسمهم Young Turks وديه كانت متمثلة في لوتشيانو وفرانك كوستيلو وفيتو جينوفيس وكارلو جامبينو وماير لانسكي اللي كان يهودي ، لوتشيانو كان لسة ملازم تحت ايد جوسيبي مازاريا او جو مازاريا لغاية ما قامت
أول وأكبر حرب عصابات بين المافيا في شكلها البدائي بين جو مازاريا ومارانزانو ، الحرب كانت في مقاطعة في نيويورك اسمها كاستالاماريزي وسميت الحرب باسم المقاطعة ديه حرب الكاستالاماريزي ، الحرب ديه انتهت بانقلاب لوتشيانو على جو وخطط لقتله وقتله وبعد ذلك سالفاتور مارانزانو كسب الحرب
وقسم العصابات بتاعة نيويورك لخمس عصابات كبرى وبعد كده خلى نفسه الزعيم الأكبر او capo di tutti capi او زعيم الزعماء 6 شهور ولوتشيانو برضه خطط لقتله لأنه من المدرسة المحافظة وفي نفس الوقت ما كانش في استقرار في عالم الجريمة ، وبعد كده لوتشيانو عمل ما يسمى الCommission او اللجنة وديه
تعتبر الهيئة العليا أو الهيئة الحاكمة للمافيا الايطالية وشارك في تكوينها ال5 عصابات من نيويروك وعصابة من مدينة بوفالو وعصابة شيكاغو ممثلة في ألكابون ، اللجنة اتعملت عشان تحل المشاكل بين العصابات ومنع أي حرب او صراع مستقبلي بين العصابات بعد كده لوتشيانو حط الهيكل بتاع المافيا
أو التراتبية في المافيا بتمشي ازاي : أولا على رأس الهرم الزعيم The Boss وده بيبقى الرئيس بتاع العصابة وبيتولى مراقبتها بعديه نائب الزعيم Underboss وده زي ماقلت بيبقى النائب وبيبقى الزعيم لو حصل للزعيم حاجة زي القتل أو السجن ، بعد كده بيبقى النقيب أو Caporegime وده بيشرف على
على الجنود Soldiers بعد كده الجنود ودول أول رتبة المافيا بعد كده الشركاء أو الAssociates وبيبقوا شركاء للعصابات ، نيجي بقى للقواعد والشروط الأساسية للانضمام للمافيا ، أول شرط وده مهم جدا لازم يبقى أبوك من أصل ايطالي ان لم يكن أبوك ذات نفسه مهاجم من ايطاليا يعني عشان تنضم للمافيا
أو تبقى Made man لازم تبقى من أصل ايطالي من أول رتبة Soldier لغاية الزعيم ، رتبتين بس ممكن ما تبقاش فيهم ايطالي رتبة الAssociate والمستشار أو الconsigliere دول ما بيتطلبوش انك تبقى ايطالي ماعدا ذلك لازم تبقى من أصل ايطالي ، بعد ما تبقى Made man فانت محمي ما حدش يقدر
يقربله أو يقتله غير باذن الزعيم لو واحد قتل واحد من المافيا بدون اذن الزعيم بيتقتل على طول ، بعد كده في كود الصمت أو الأوميرتا والكود ده بيمنع اي حد منهم يتعاون أو يتكلم مع الشرطة ويتكلم عن اي جريمة او يقول حاجة بخصوص الأسرة بتاعته واللي بيعمل كده بيجيب العار لنفسه وبيسموه Rat
الزعيم ما بيتقتلش من غير موافقة الزعيم التاني وموافقة اللجنة ، ثالثا المافيا بتحب الحياة الأسرية وانك تتجوز ويبقى عندك أسرة ، ولو حصل وواحد نام مع مرات واحد من المافيا فده حكم تلقائي بالاعدام ولازم يتقتل ، وعلى العموم في أفلام عظيمة زي The Godfather واللي شخصية فيتو كورليون كانت
مستوحاة من زعيم مافيا اسمه فرانك كوستيلو ، وفي الجزء التاني شخصية هايمن روث عدو مايكل كانت مستوحاة من ماير لانسكي ، المهم بعد ما تم انشاء المافيا وازدهارها واصبح لوتشيانو اقوى رجل في عالم الجريمة اتقبض عليه واتحاكم بتهمة ادارة شبكة للدعارة وخاد حكم من 30 ل50 سنة في السجن
وبالرغم من انه كان في السجن ما زال هو اللي بيدير المافيا لدرجة ان الحكومة طلبت مساعدة المافيا في حماية الساحل الشرقي وميناء نيويورك ضد قوات المحور ومساعدة الحلفاء في عملية انزال في ايطاليا قصاد كمية من الفلوس وان لوتشيانو يطلع من السجن بس هيترحل ويروح يقعد في صقلية وده اللي حصل
واتنفى لوتشيانو لصقلية لغاية ما عاش بقية حياته وتوفى هناك
