سلسلة كوميكس جديدة بالتعاون مع باحثة الآثار هبة عبد الجواد @GawadHeba ، هنقول من خلالها معلومات بشكل بسيط و نعيش حياة الآثار اللي خرجت من مصر عن طريق انجلترا أثناء الإستعمار، كجزء من مشروعها "آثار مصر المتغربة" @excavatedegypt الممول من كلية لندن الجامعية UCL..ف انتظرونا

من ١٨٨٠ الي ١٩٨٠ حفائر الآثار البريطانية المرخصه في مصر اكتشفت آلاف القطع الأثرية. نقلت مجموعات منها بره مصر متوزعه حاليا في اكتر من ٣٥٠ مؤسسه في ٢٧ دوله عبر ال٥ قارات. دي أكبر عمليه نقل وتوزيع آثار في تاريخ علم الآثار..

فريدريك هورنيمان تاجر شاي غني مهتم بالآثار. في ١٨٩٦ زار مصر. هوارد كارتر (مكتشف مقبره توت عنخ آمون) خده في جوله في معبد حتشبسوت. هورنيمان انبهر بآثار مصر واتبرع لكارتر بمبلغ لمواصلة نشاطه الأثري. في المقابل تم اهداءه مومياء كاهنه وتابوتها وموجوده حاليا في متحف هورنيمان في لندن.

لمزيد من التفاصيل: https://www.horniman.ac.uk/learn/learning-resources/learning-pack/ancient-egypt#mummy-thumb

العنصرية كانت موجودة في مجال الآثار. المصريين كانوا بيقوموا بكل الأعمال الصعبة في استخراج الآثار لكن متسجلتش اساميهم ولا انجازهم على عكس الأجانب. أرشيف الصور مليان صور مصريين مجهولين بس شقيانين في الشغل من حفر لمسك القماش للاجنبي اللي كان بينسب كل الانجاز لنفسه!

بعض صور أرشيف جمعية استكشاف مصر @TheEES الانجليزية بتوضح الممارسات الاستعمارية لاستخراج الآثار
الجمعية حاليا بتعترف وبتراجع الممارسات العنصرية من خلال التعاون مع مشروع آثارنا المتغربة @excavatedegypt
مزيد من الصور و التفاصيل في الثريد ده:
https://twitter.com/excavatedegypt/status/1274095324513161216?s=20

أبو المصريات العالم الإنجليزي بيتري كان اول من أدخل الأساليب العلمية في كشف ودراسة الآثار المصرية وكان من أنصار علم تفوق الأجناس والعرق الأبيض العنصري Eugenics ونقل جماجم وهياكل مصرية قديمة انجلترا لدراستها لأثبات نظريته ان اصل الحضاره المصرية من العرق الأبيض مش افريقيا

بيتري له متحف آثار مصرية قديمة بأسمه في كليه لندن الجامعية UCL,السنه دي المتحف اعترف بممارساته العنصرية https://www.ucl.ac.uk/culture/petrie-museum
علم تفوق الأجناس العنصري كان مركزه كلية لندن الجامعية UCL السنه دي الجامعة اعترفت بتاريخها العنصري وبتدرس ازاي تحاسب نفسها عنه https://www.ucl.ac.uk/news/2020/feb/ucl-announces-action-acknowledge-and-address-historical-links-eugenics

كوميك الأسبوع ده من @excavatedegypt أنتم اللي هترسموه...حملوا الصورة و ارسموا في المساحة الفاضية السبب وراء تكديرة التمثال ده في متحف مانشستر في انجلترا.
و ان شاء الله هيتم عرض المشاركات في معارض المشروع في مصر و انجلترا..انطلقوا

التمثال المستوحي منه الكوميك تم اكتشافه في الجيزه هتلاقوا معلومات اكتر عنه هنا http://harbour.man.ac.uk/mmcustom/Display.php?irn=108048&QueryPage=%2Fmmcustom%2FEgyptQuery.php

النهارده معانا مدير أمن الأقصر في القرن ١٣ ق.م ومراته. آثارنا المتغربة متيتمة في المتاحف الغربية. مصطلح "حضاره متيتمة" orphaned culture بيعبر عن ازاي المتحف بيعزل حضاره عن عصور تاريخها المختلفة ومجتمعاتها الحديثة. فالزائر الأجنبي بيفقد اهتمامه بتاريخنا الأحدث وبيعزل ماضينا عنا...

تفاصيل أكتر عن تمثال الزوجين: https://www.nms.ac.uk/explore-our-collections/collection-search-results/?item_id=299533

@NtlMuseumsScot عمل محاولات جاده لربط مصر القديمة بمصر الحديثة في ذهن الزوار من خلال عرض وسائط رقمية زي الفيلم ده