Read on Twitter
ماشى، ثريد عن كتب قرأتها و شايفة انها فيها حاجة تستحق و reviews مختصرة جداً عنها.
هبدأ بالكتاب المفضل بالنسبالى.
"زمن الخيول البيضاء"
رواية حلوة جداً احداثها بتدور فى فلسطين فى زمن ممتد لحد النكبة. بتحكى قصص عن الاحتلال و المقاومة الفلسطينية فى الفترة دى و قصص عن حياة الفلسطينيين و تأثرهم بالعرف و العادات.
كتاب فى تفاصيل كتير و مش ممل نهائى!
"زمن الخيول البيضاء"
رواية حلوة جداً احداثها بتدور فى فلسطين فى زمن ممتد لحد النكبة. بتحكى قصص عن الاحتلال و المقاومة الفلسطينية فى الفترة دى و قصص عن حياة الفلسطينيين و تأثرهم بالعرف و العادات.
كتاب فى تفاصيل كتير و مش ممل نهائى!
“Inside the kingdom”
انا بعتبر انى محظوظة جداً انى قابلت الكتاب ده بالصدفة. المهم، كارمن بن لادن زوجة يسلم بن لادن الاخ الاكبر لـ اسامة بن لادن. الكتاب بيحكى عن شكل الحياة لبنت سويدية من ام ايرانية زيها جوة مملكة عيلة بن لادن فى السعودية فى زمن كان اسامة بن لادن شاب صغير.
انا بعتبر انى محظوظة جداً انى قابلت الكتاب ده بالصدفة. المهم، كارمن بن لادن زوجة يسلم بن لادن الاخ الاكبر لـ اسامة بن لادن. الكتاب بيحكى عن شكل الحياة لبنت سويدية من ام ايرانية زيها جوة مملكة عيلة بن لادن فى السعودية فى زمن كان اسامة بن لادن شاب صغير.
"رأيت رام الله"
ده الكتاب اللى دايماً بفكر انه اول حاجة المفروض تتقرأ لو حد سألنى اقرا ايه عن فلسطين؟ الكتاب فيه معلومات و سرد تاريخى كويس باسلوب مش ممل نهائى و دى معادلة انا بشوفها صعبة عشان عادةً تلقى معلومات تاريخية بتبقى مملة شوية.
ده الكتاب اللى دايماً بفكر انه اول حاجة المفروض تتقرأ لو حد سألنى اقرا ايه عن فلسطين؟ الكتاب فيه معلومات و سرد تاريخى كويس باسلوب مش ممل نهائى و دى معادلة انا بشوفها صعبة عشان عادةً تلقى معلومات تاريخية بتبقى مملة شوية.
"طعام.. صلاة.. حب"
انا قرأت الكتاب ده من زمان و كنت قريت قبله و بعده كتب رحلات كتير بس الكتاب ده مميز فانه بيوصف شعور الكاتبة خلال الرحلة دى مش مجرد وصف للاماكن اللى شافتها بس. وصف الاكل فى ايطاليا و قصة الحب و رحلة السلام النفسى ممتعة جداً بتفاصيلها!
انا قرأت الكتاب ده من زمان و كنت قريت قبله و بعده كتب رحلات كتير بس الكتاب ده مميز فانه بيوصف شعور الكاتبة خلال الرحلة دى مش مجرد وصف للاماكن اللى شافتها بس. وصف الاكل فى ايطاليا و قصة الحب و رحلة السلام النفسى ممتعة جداً بتفاصيلها!
"الطريق الى بئر السبع"
احداث الرواية بتدور فى فترة بداية الاحتلال و بتحكى بالتفاصيل احداث ٤٨ و التهجير و سقوط المدن الفلسطينية و مدى قسوة الفترة دى.
فيها وقائع و معلومات مكنتش قرأتها فى مكان تانى.
احداث الرواية بتدور فى فترة بداية الاحتلال و بتحكى بالتفاصيل احداث ٤٨ و التهجير و سقوط المدن الفلسطينية و مدى قسوة الفترة دى.
فيها وقائع و معلومات مكنتش قرأتها فى مكان تانى.
"قمر على سمرقند"
رواية مسلية جداً فى فكرة انها بتوصف بلاد بعيدة و مشوفتلهاش وصف قبل كده، يعنى مكنش عندى عِلم بوجود مدينة اسمها سمرقند فى بلد زى اوزبكستان.
رواية مسلية جداً فى فكرة انها بتوصف بلاد بعيدة و مشوفتلهاش وصف قبل كده، يعنى مكنش عندى عِلم بوجود مدينة اسمها سمرقند فى بلد زى اوزبكستان.
"اللاهوت العربى و اصول العنف الدينى"
كتاب مع الاسف قرأته و انا صغيرة شوية فكان محتاج وقت طويل عشان افهمه. مش بعتبره من الكتب السهلة بس فى معلومات قيمة جداً عن الديانات السماوية التلاتة و ارتباطهم ببعض و الحاجات اللى قصرت عليهم.
لو جالى نِفس و وقت احب اقراه مرة كمان عادى!
كتاب مع الاسف قرأته و انا صغيرة شوية فكان محتاج وقت طويل عشان افهمه. مش بعتبره من الكتب السهلة بس فى معلومات قيمة جداً عن الديانات السماوية التلاتة و ارتباطهم ببعض و الحاجات اللى قصرت عليهم.
لو جالى نِفس و وقت احب اقراه مرة كمان عادى!
"الطنطورية"
الله يرحم السيدة. المهم الطنطورية بلد صغيرة على بحر قريبة من حيفا فى فلسطين و الرواية احداثها بتدور حوالين بنت تم تهجيرها هى و عيلتها و عاشت فى مصر سنين طويلة مع حلم العودة المعتاد.
الله يرحم السيدة. المهم الطنطورية بلد صغيرة على بحر قريبة من حيفا فى فلسطين و الرواية احداثها بتدور حوالين بنت تم تهجيرها هى و عيلتها و عاشت فى مصر سنين طويلة مع حلم العودة المعتاد.
"مئَة عام من العزلة"
الرواية اللى يقال انها مملة و مع ذلك من اعظم روايات الادب اللاتينى. الكاتب بيحكى عن اسرة كبيرة و رابط احداث تاريخ الاسرة دى على مر ١٠٠ سنة، بمعنى بتبدأ الرواية فى جيل و تنتهى الرواية بـ سلالة الجيل ده بعد ١٠٠ سنة.
اخر صفحة فى الكتاب خريطة للعيلة. العفو؛)
الرواية اللى يقال انها مملة و مع ذلك من اعظم روايات الادب اللاتينى. الكاتب بيحكى عن اسرة كبيرة و رابط احداث تاريخ الاسرة دى على مر ١٠٠ سنة، بمعنى بتبدأ الرواية فى جيل و تنتهى الرواية بـ سلالة الجيل ده بعد ١٠٠ سنة.
اخر صفحة فى الكتاب خريطة للعيلة. العفو؛)
"تلك سنة السنة هؤلاء العظماء ولدوا معاً"
لو حد بيحب يقرا فى سير الشخصيات فـ الكتاب ده خفيف جداً و بيشرح فِكر و مواقف و حياة مجموعة من الشخصيات العامة و رابطهم حسب السنين اللى اتولدو فيها.
لو حد بيحب يقرا فى سير الشخصيات فـ الكتاب ده خفيف جداً و بيشرح فِكر و مواقف و حياة مجموعة من الشخصيات العامة و رابطهم حسب السنين اللى اتولدو فيها.
"احجار على رقعة الشطرنج"
الكاتب عنده نظرية بتنسب التدهورات العالمية و الحروب و المنازعات لاسباب مفتعلة من قوى خفية، نظرية المؤامرة بمعنها الحرفى يعنى، فـ اللى مهتم بحاجة زى دى و ميول و اتجاهات الفكر الصهيونى العالمى فـ الكتاب ده مفيد.
الكتاب مش سهل بالنسبالى و بيتوّه بشكل ما!
الكاتب عنده نظرية بتنسب التدهورات العالمية و الحروب و المنازعات لاسباب مفتعلة من قوى خفية، نظرية المؤامرة بمعنها الحرفى يعنى، فـ اللى مهتم بحاجة زى دى و ميول و اتجاهات الفكر الصهيونى العالمى فـ الكتاب ده مفيد.
الكتاب مش سهل بالنسبالى و بيتوّه بشكل ما!
"فلتغفرى"
"احببتك اكثر مما ينبغى"
الروايتين بيحكوا نفس القصة بس مرة من وجهة نظر بطلة الرواية و مرة من وجهة نظر البطل، الفكرة لطيفة ان الصورة بتبقى مختلفة.
الروايتين مع بعض مش مملين و اللغة و التعبيرات فيها قوية رغم تأثر اسلوبها باسلوب احلام المستغانمى بشكل كبير!
"احببتك اكثر مما ينبغى"
الروايتين بيحكوا نفس القصة بس مرة من وجهة نظر بطلة الرواية و مرة من وجهة نظر البطل، الفكرة لطيفة ان الصورة بتبقى مختلفة.
الروايتين مع بعض مش مملين و اللغة و التعبيرات فيها قوية رغم تأثر اسلوبها باسلوب احلام المستغانمى بشكل كبير!
"ذاكرة الجسد"
بالنسبالى الـmasterpiece بتاعت احلام، و احلى رواية انا قرأتها من النوع ده. و بشوف ان احلام عامةً كاتبة معتمدة بشكل كبير على قدرتها اللغوية و القدرة على صياغة التعبيرات، و القصة نفسها طبعاً. بس فى تفوق ملحوظ فى الجانب ده.
بالنسبالى الـmasterpiece بتاعت احلام، و احلى رواية انا قرأتها من النوع ده. و بشوف ان احلام عامةً كاتبة معتمدة بشكل كبير على قدرتها اللغوية و القدرة على صياغة التعبيرات، و القصة نفسها طبعاً. بس فى تفوق ملحوظ فى الجانب ده.
"المانيفستو"
بعيداً عن محبين الشِعر و بعيداً عن الثورة، بس الكلام فيه سلسل جداً و انا مش بشوفه ركيك خالص و ده رأيى المتواضع يعنى انا مش ضليعة فى الشِعر، بس هو ممتع جداً بدون تعقيدات ولا ابتذال!
بعيداً عن محبين الشِعر و بعيداً عن الثورة، بس الكلام فيه سلسل جداً و انا مش بشوفه ركيك خالص و ده رأيى المتواضع يعنى انا مش ضليعة فى الشِعر، بس هو ممتع جداً بدون تعقيدات ولا ابتذال!
"عائد الى حيفا"
رائعة غسان كنفانى اللى بتحكى قصة رجل فلسطينى و زوجته اتهجروا و سابوا ابنهم طفل رضيع فى بيتهم فى حيفا، و بعد سنين كتير قدروا يرجعوا بيتهم ده تانى، و طبعاً المفاجأة فى ما وجدوا عليه ابنهم.
و بالمناسبة "هل تعرفين ما هو الوطن يا صفية؟" دى جملة مقتبسة من الرواية دى.
رائعة غسان كنفانى اللى بتحكى قصة رجل فلسطينى و زوجته اتهجروا و سابوا ابنهم طفل رضيع فى بيتهم فى حيفا، و بعد سنين كتير قدروا يرجعوا بيتهم ده تانى، و طبعاً المفاجأة فى ما وجدوا عليه ابنهم.
و بالمناسبة "هل تعرفين ما هو الوطن يا صفية؟" دى جملة مقتبسة من الرواية دى.
"مُحال"
قصة شاب مصرى بيشتغل فى السياحة و بشكل ما يقابل بن لادن عشان تاخد الاحداث اتجاه تانى و تنتهى الاحداث دى بوجوده فى سجن جوانتانامو مروراً قبلها باوزبكستان و افغانستان.
بعيداً عن اى شيء حالى، يوسف زيدان كـ روائى لا يعلى عليه طبعاً.
قصة شاب مصرى بيشتغل فى السياحة و بشكل ما يقابل بن لادن عشان تاخد الاحداث اتجاه تانى و تنتهى الاحداث دى بوجوده فى سجن جوانتانامو مروراً قبلها باوزبكستان و افغانستان.
بعيداً عن اى شيء حالى، يوسف زيدان كـ روائى لا يعلى عليه طبعاً.
"اكتب اليك من دمشق"
الرواية بتحكى عن ناسخ مغربى شارك فى نسخ عمل احد المؤرخين و كان نصيبه من النسخ يستغرق سنتين، اللى مهتم بتاريخ الكتابة و النسخ عند العرب الكتاب ده هيبقى مسلى بالنسبة له جداً. و بالتالى اللى مش مهتم بانه يعرف اكتر عن عملية نسخ المؤرخات القديمة فـ الكتاب مش له.
الرواية بتحكى عن ناسخ مغربى شارك فى نسخ عمل احد المؤرخين و كان نصيبه من النسخ يستغرق سنتين، اللى مهتم بتاريخ الكتابة و النسخ عند العرب الكتاب ده هيبقى مسلى بالنسبة له جداً. و بالتالى اللى مش مهتم بانه يعرف اكتر عن عملية نسخ المؤرخات القديمة فـ الكتاب مش له.
"فى الخطاب و المصطلح الصهيونى"
بدايةً د.عبدالوهاب المسيرى بالنسبالى افضل من كتب عن القضية الفلسطينية و كتبه تعتبر مرجع موثوق فيه. الكتاب ده بيتناول شرح الخطاب الصهيونى و المصطلحات المستخدمة فيه و معانيها.
الكتاب لا يصلح لحد معندوش خلفية عن الموضوع بس!
بدايةً د.عبدالوهاب المسيرى بالنسبالى افضل من كتب عن القضية الفلسطينية و كتبه تعتبر مرجع موثوق فيه. الكتاب ده بيتناول شرح الخطاب الصهيونى و المصطلحات المستخدمة فيه و معانيها.
الكتاب لا يصلح لحد معندوش خلفية عن الموضوع بس!
"بؤس"
اسم على مسمى تماماً يعنى. رواية و انت بتقراها بتبقى حاسس انك بليل و النهار مش بييجى و مع ذلك حلوة، حلوة و بتخلصها و انت عاوز تخلصها مش تخلص منها.
اسم على مسمى تماماً يعنى. رواية و انت بتقراها بتبقى حاسس انك بليل و النهار مش بييجى و مع ذلك حلوة، حلوة و بتخلصها و انت عاوز تخلصها مش تخلص منها.
"ملائكة و شياطين"
روائع دان براون. الرواية احلى من الفيلم بالنسبالى لسبب انها فيها تفاصيل كتير عن الڤاتيكان و الحياة داخلها و نظامها و اسرار البلد الصغيرة دى اللى بتعتبر من اهم مناطق العالم.
اللى مهتم يعرف عنها فـ الرواية دى حلوة جداً!
روائع دان براون. الرواية احلى من الفيلم بالنسبالى لسبب انها فيها تفاصيل كتير عن الڤاتيكان و الحياة داخلها و نظامها و اسرار البلد الصغيرة دى اللى بتعتبر من اهم مناطق العالم.
اللى مهتم يعرف عنها فـ الرواية دى حلوة جداً!
“1984”
غنية عن التعريف يعنى بس المهم الرواية احداثها بتدور فى احدى الدول العظمى الاشتراكية، الاخ الاكبر هو تمثيل النظام السياسى الطاغى، تصوير الكاتب لحياة الفرد جوة الدولة دى و مدى سيطرة الحكومة على الفِكر و الجسد شيء مرعب جداً بالنسبالى.
غنية عن التعريف يعنى بس المهم الرواية احداثها بتدور فى احدى الدول العظمى الاشتراكية، الاخ الاكبر هو تمثيل النظام السياسى الطاغى، تصوير الكاتب لحياة الفرد جوة الدولة دى و مدى سيطرة الحكومة على الفِكر و الجسد شيء مرعب جداً بالنسبالى.
"فاروق كما عرفته"
"طلاق امبراطورة"
لو حد مهتم بالعيلة المالكة. كريم ثابت لمن لا يعرفه كان المستشار الصحفى للملك فاروق على مدار ١٠ سنين و كان شخص مقرب من القصر.
الكتاب الاول بيحكى تفاصيل حياة فاروق و شخصيته بعيداً عن السياسة شوية، و التانى عن احداث جواز و طلاق الامبراطورة فوزية.
"طلاق امبراطورة"
لو حد مهتم بالعيلة المالكة. كريم ثابت لمن لا يعرفه كان المستشار الصحفى للملك فاروق على مدار ١٠ سنين و كان شخص مقرب من القصر.
الكتاب الاول بيحكى تفاصيل حياة فاروق و شخصيته بعيداً عن السياسة شوية، و التانى عن احداث جواز و طلاق الامبراطورة فوزية.
"الاخوة الاعداء"
الرواية بتعرض لفكرة شائكة جداً من وجهة نظرى و هى فقدان الايمان بوجود الآله بسبب انتشار الظلم و كثرة الحروب و بشاعة العالم. بتدور احداثها فى احدى جزر اليونان فى زمن وجود حرب اهلية منتشرة بشكل واسع.
رواية حلوة جداً و احداثها مترابطة و مش مملة خالص.
الرواية بتعرض لفكرة شائكة جداً من وجهة نظرى و هى فقدان الايمان بوجود الآله بسبب انتشار الظلم و كثرة الحروب و بشاعة العالم. بتدور احداثها فى احدى جزر اليونان فى زمن وجود حرب اهلية منتشرة بشكل واسع.
رواية حلوة جداً و احداثها مترابطة و مش مملة خالص.
"وادى الرماد"
و انا مش من هواة الكتب الجديدة عامةً. المهم الرواية احداثها بتدور فى مصر فى فترة احتلال امريكى و محاربة ارهاب، بعض الاحداث مستوحاه من احداث واقعية.
الرواية على حداثة اسلوبها عجبتنى جداً.
و انا مش من هواة الكتب الجديدة عامةً. المهم الرواية احداثها بتدور فى مصر فى فترة احتلال امريكى و محاربة ارهاب، بعض الاحداث مستوحاه من احداث واقعية.
الرواية على حداثة اسلوبها عجبتنى جداً.
"اسفار النهايات"
الرواية دى لما خلصتها جيب قولت هنا انى لسه مخلصة كتاب مُريب. الكاتب بيسرد احداث ثلاث قصص مختلفة، بيتكلم عن فقدان العالم لواحد من اهم قوانين الطبيعة، و فيها جزء متعلق -نوعاً ما- ب مانديلا افكت.
الرواية تلخبط فى الاول بس حلوة جداً.
الرواية دى لما خلصتها جيب قولت هنا انى لسه مخلصة كتاب مُريب. الكاتب بيسرد احداث ثلاث قصص مختلفة، بيتكلم عن فقدان العالم لواحد من اهم قوانين الطبيعة، و فيها جزء متعلق -نوعاً ما- ب مانديلا افكت.
الرواية تلخبط فى الاول بس حلوة جداً.
"فى بلاط الخليفة"
من الكتب حديثة الاصدار اللى عجبتنى. الرواية عن عمر بن الخطاب و انا كنت قرأت قبل كده سيرة عمر بس الرواية دى تعتبر خفيفة جداً و مش مملة زى كتب السير التقليدية، و على حد معلوماتى الضئيلة طبعاً الكتاب مش بيتناول اى معلومات مغلوطة.
من الكتب حديثة الاصدار اللى عجبتنى. الرواية عن عمر بن الخطاب و انا كنت قرأت قبل كده سيرة عمر بس الرواية دى تعتبر خفيفة جداً و مش مملة زى كتب السير التقليدية، و على حد معلوماتى الضئيلة طبعاً الكتاب مش بيتناول اى معلومات مغلوطة.
"رسائل غسان كنفاني الى غادة السمان"
الكتاب غنى عن التعريف و مش محتاج توصية اكيد. بس ممكن اضيف ان اكتر حاجة مؤثرة بالنسبالى فى كتاب زى ده او مخلياه مختلف هى فكرة انها كانت رسايل حقيقية بين شخصين حقيقيين، مش جُمل ادبية من وحى خيال الكاتب.
الكتاب غنى عن التعريف و مش محتاج توصية اكيد. بس ممكن اضيف ان اكتر حاجة مؤثرة بالنسبالى فى كتاب زى ده او مخلياه مختلف هى فكرة انها كانت رسايل حقيقية بين شخصين حقيقيين، مش جُمل ادبية من وحى خيال الكاتب.
"ترنيمة سلام"
رواية مريحة نفسياً جداً يعنى البطل فى اول الرواية كان شخص غير راضى و مروراً بحوادث حياتية مؤلمة بدأ بشكل ما رحلة البحث عن السلام اللى وصله فى الاخر. التصوير فيها بشكل عام مريح جداً.
رواية مريحة نفسياً جداً يعنى البطل فى اول الرواية كان شخص غير راضى و مروراً بحوادث حياتية مؤلمة بدأ بشكل ما رحلة البحث عن السلام اللى وصله فى الاخر. التصوير فيها بشكل عام مريح جداً.
"و رددت الجبال الصدى"
من احلى الروايات اللى قرأتها، بتدور احداثها عن اخ و اخت كانوا عايشين طفولتهم فى افغانستان و الظروف بعدتهم و هما اطفال و اتلاقوا فى نهاية الرواية و بين انفصالهم و تلاقيهم تفاصيل حياة ٦ شخصيات مرتبطين بالقصة.
الكتاب مترجم من الانجليزى.
من احلى الروايات اللى قرأتها، بتدور احداثها عن اخ و اخت كانوا عايشين طفولتهم فى افغانستان و الظروف بعدتهم و هما اطفال و اتلاقوا فى نهاية الرواية و بين انفصالهم و تلاقيهم تفاصيل حياة ٦ شخصيات مرتبطين بالقصة.
الكتاب مترجم من الانجليزى.
"ثلاثية غرناطة"
متأخرة شوية، المهم رحم الله السيدة رضوى.
بتدور الاحداث فى زمن سقوط الاندلس و انا قبل ما اقرا الرواية مكنش عندى فكرة عن ان العرب قاوموا مقاومة مستميتة عشان يحافظوا على هَويتهم قصاد قمع الملوك.
الرواية تتسم بالحزن بشكل عام، لا وحشة فى قبر مريمة.
متأخرة شوية، المهم رحم الله السيدة رضوى.
بتدور الاحداث فى زمن سقوط الاندلس و انا قبل ما اقرا الرواية مكنش عندى فكرة عن ان العرب قاوموا مقاومة مستميتة عشان يحافظوا على هَويتهم قصاد قمع الملوك.
الرواية تتسم بالحزن بشكل عام، لا وحشة فى قبر مريمة.
"تاريخ اهم الاحداث الفنية و الادبية فى العالم"
الكتاب ده لاقيته بالصدفة فى ركن كله تراب فى سور الازبكية فى معرض الكتاب من كذا سنة، المهم، فى معلومات عن معظم الاعمال الفنية و الادبية المهمة، كان ممتع بالنسبالى فكرة انى اعرف اللوحة مين رسمها و قصتها و اعمل سيرش اتفرج عليها بعدها!
الكتاب ده لاقيته بالصدفة فى ركن كله تراب فى سور الازبكية فى معرض الكتاب من كذا سنة، المهم، فى معلومات عن معظم الاعمال الفنية و الادبية المهمة، كان ممتع بالنسبالى فكرة انى اعرف اللوحة مين رسمها و قصتها و اعمل سيرش اتفرج عليها بعدها!
"الخلود"
رواية تستحق جداً انها تتقرا، فى سياق الاحداث كل جملة تدعو للتأمل بشكل مميز، ممكن اكتر رواية قرأتها فيها اجزاء كتير يتوقف عندها غير القصة نفسها. بتناقش جوانب كتير من النفس الانسانية.
رواية تستحق جداً انها تتقرا، فى سياق الاحداث كل جملة تدعو للتأمل بشكل مميز، ممكن اكتر رواية قرأتها فيها اجزاء كتير يتوقف عندها غير القصة نفسها. بتناقش جوانب كتير من النفس الانسانية.
"الطاعون"
رائعة البير كامو عن طبيب بشرى بيعيش احداث الطاعون فى مدينة معزولة تماماً لفترة طويلة، تصوير المرض مع فقدان الامل و الانعزال عن العالم و محاصرة الموت لكل اشكال الحياة و تعامل الانسان مع كل ده.
و مش مناسبة لحد مش بيحب الوصف الكتير، عشان قائمة بشكل اساسى عليه!
رائعة البير كامو عن طبيب بشرى بيعيش احداث الطاعون فى مدينة معزولة تماماً لفترة طويلة، تصوير المرض مع فقدان الامل و الانعزال عن العالم و محاصرة الموت لكل اشكال الحياة و تعامل الانسان مع كل ده.
و مش مناسبة لحد مش بيحب الوصف الكتير، عشان قائمة بشكل اساسى عليه!
"ام سعد"
رواية صغيرة جداً و لطيفة عن ام سعد اللى بتمثل نموذج امرأة المخيم اللى بتعيش سنين طويلة صعبة و عند نقطة ما ولادها بيبقوا فدائيين، فى جملة بيقول "هذه المرأة تلد و فلسطين تأخذ".
حاجة لطيفة و صغيرة تخلص فى ساعتين يعنى
رواية صغيرة جداً و لطيفة عن ام سعد اللى بتمثل نموذج امرأة المخيم اللى بتعيش سنين طويلة صعبة و عند نقطة ما ولادها بيبقوا فدائيين، فى جملة بيقول "هذه المرأة تلد و فلسطين تأخذ".
حاجة لطيفة و صغيرة تخلص فى ساعتين يعنى
"ولدتُ هناك، ولدتُ هنا"
انا بحب اسلوب مريد فى الوصف و تناول المشاهد. الكتاب يتكلم عن فلسطين بين عودته الاولى و اخر زيارة و اللى حصل بينهم، اكتر جزء شدنى كان الجزء اللى بيوصف فيه مشهد دخول تميم للقدس لاول مرة، ممتع جداً.
انا بحب اسلوب مريد فى الوصف و تناول المشاهد. الكتاب يتكلم عن فلسطين بين عودته الاولى و اخر زيارة و اللى حصل بينهم، اكتر جزء شدنى كان الجزء اللى بيوصف فيه مشهد دخول تميم للقدس لاول مرة، ممتع جداً.
"لن نصنع الفُلك"
الكتاب الاول فى ٢٠٢٠، الكتاب مناسب لقُراء هذا الجيل -من وجهة نظرى طبعاً- و انا عامةً بشوف بلال علاء يستحق الافضل و ان كان الكتاب باين فيه التخبط بشكل كبير بس اظن ده المميز فيه انه بيوصف اللى بيحصل جوا دماغك فعلاً.
الكتاب الاول فى ٢٠٢٠، الكتاب مناسب لقُراء هذا الجيل -من وجهة نظرى طبعاً- و انا عامةً بشوف بلال علاء يستحق الافضل و ان كان الكتاب باين فيه التخبط بشكل كبير بس اظن ده المميز فيه انه بيوصف اللى بيحصل جوا دماغك فعلاً.
"فضحكت فبشرناها"
كتاب حلو و سهل باسلوب بسيط مفيهوش آيات و احاديث كتير خالص، جايب سير زوجات الانبياء من اول حواء، و فى الاخر جايب طبعاً سير امهات المؤمنين و نساء بيت الرسول، الاسلوب مختصر و مش بيسرد احداث جانبية ملهاش لازمة.
كتاب حلو و سهل باسلوب بسيط مفيهوش آيات و احاديث كتير خالص، جايب سير زوجات الانبياء من اول حواء، و فى الاخر جايب طبعاً سير امهات المؤمنين و نساء بيت الرسول، الاسلوب مختصر و مش بيسرد احداث جانبية ملهاش لازمة.
"صندوق مريمة"
الكاتبة سارة مُحبة جداً للسيدة رضوى و الكتاب عبارة عن حكاية جزء من حياة الكاتبة و حكايات اكتر عن السيدة رضوى و اجزاء من اعمالها الادبية، الموضوع اشبه بربط احداث من الحياتين، لغة الكتاب مش قوية اوى، بس بشكل عام كتاب حلو.
لا وحشة فى قبر رضوى:)
الكاتبة سارة مُحبة جداً للسيدة رضوى و الكتاب عبارة عن حكاية جزء من حياة الكاتبة و حكايات اكتر عن السيدة رضوى و اجزاء من اعمالها الادبية، الموضوع اشبه بربط احداث من الحياتين، لغة الكتاب مش قوية اوى، بس بشكل عام كتاب حلو.
لا وحشة فى قبر رضوى:)
"كيف تصنع مريضاً نفسياً؟"
قصة لطيفة و الكتاب لا يصلح خالص كمرجع علمى اكيد يعنى. الرواية احداثها خيالية بس مش مملة و فيها معلومات بطريقة مش صعب تتفهم.
قصة لطيفة و الكتاب لا يصلح خالص كمرجع علمى اكيد يعنى. الرواية احداثها خيالية بس مش مملة و فيها معلومات بطريقة مش صعب تتفهم.
"أعراس آمنة"
احد روايات الملهاة الفلسطينية، احداثها بتدور فى مدينة غزة الحزينة و بطلتها آمنة اللى الاحتلال قتل جوزها و اخوها و ابنها و حكايات الموت المستمر اللى المدينة بتشهدوا بشكل يومى بين كل ده.
رواية ممتعة جداً جداً.
احد روايات الملهاة الفلسطينية، احداثها بتدور فى مدينة غزة الحزينة و بطلتها آمنة اللى الاحتلال قتل جوزها و اخوها و ابنها و حكايات الموت المستمر اللى المدينة بتشهدوا بشكل يومى بين كل ده.
رواية ممتعة جداً جداً.
"فتاة من الشرق"
بتبسط لما الاقى عمل ادبى حلو لكاتب صغير و جديد. الرواية بتحكى عن حرب البلقان و فيها معلومات كويسة عن الفترة دى بطريقة مش مملة خالص، بتسرد احداث حياة اسرة خلال ١٠٠ سنة مروراً بثلاثة اجيال تقريباً.
بتبسط لما الاقى عمل ادبى حلو لكاتب صغير و جديد. الرواية بتحكى عن حرب البلقان و فيها معلومات كويسة عن الفترة دى بطريقة مش مملة خالص، بتسرد احداث حياة اسرة خلال ١٠٠ سنة مروراً بثلاثة اجيال تقريباً.
"يافا حكاية غياب و مطر"
للروائية الفلسطينية نبال قندس، رواية بتتناول حياة سيدة خمسينية اسمها يافا، و بنت فى نص عمرها، من احلى الروايات اللى فيها رومانسية مختلطة بحب فلسطين. ممتعة و مميزة جداً.
للروائية الفلسطينية نبال قندس، رواية بتتناول حياة سيدة خمسينية اسمها يافا، و بنت فى نص عمرها، من احلى الروايات اللى فيها رومانسية مختلطة بحب فلسطين. ممتعة و مميزة جداً.
"أرباب الشر"
الكتاب بيتكلم عن آلهة الشر فى اساطير الحضارات القديمة، و ازاى فكرة الشر عند كل حضارة كانت مرتبطة بطبيعة الحياة عندها و خليت الانسان قادر يجسد مخاوفه فى صورة الآله الشرير و الصراع بينه و بين الخير. الكتاب مش معقد و مش محتاج معرفة سابقة فى الميثولوجيا عشان تفهمه.
الكتاب بيتكلم عن آلهة الشر فى اساطير الحضارات القديمة، و ازاى فكرة الشر عند كل حضارة كانت مرتبطة بطبيعة الحياة عندها و خليت الانسان قادر يجسد مخاوفه فى صورة الآله الشرير و الصراع بينه و بين الخير. الكتاب مش معقد و مش محتاج معرفة سابقة فى الميثولوجيا عشان تفهمه.
